«ՉԻ ԿԱՐԵԼԻ ԱՄԵՆ ԻՆՉ ՏՊԱԳՐԵԼ ԵՎ ԼՑՆԵԼ ԵՐԵԽԱՆԵՐԻ ԱՌԱՋ»

«ՉԻ ԿԱՐԵԼԻ ԱՄԵՆ ԻՆՉ  ՏՊԱԳՐԵԼ ԵՎ ԼՑՆԵԼ ԵՐԵԽԱՆԵՐԻ ԱՌԱՋ»

Մասնագետներն ահազանգում են, որ Հայաստանում մանկական գրականության հետ կապված կան բազմաթիվ խնդիրներ: Ամեն օր հրատարակվում են գրքեր, որոնք  երեխաների համար ոչ մի ուսուցողական նյութ չեն պարունակում: Արձակագիր, դրամատուրգ Ռուբեն Մարուխյանի խոսքով` ոլորտում չկա վերահսկողություն , այդ պատճառով էլ մանկագրությունն անմխիթար վիճակում է: «Չկա վերահսկողություն, փոխարենը կա մի հրատարակիչ, ով հրատարակում է շատ գունավոր թղթեր, ում  բովանդակությունը ընդհանրապես չի հետաքրքրում: Երբեմն այնպիսի հիմար բանաստեղծություններ են հրատարակում , որը ոչ ավել ոչ պակաս դուրս է գալիս  շուկա: Մեկ վատ բանաստեղծությունը կամ հեքիաթը կարող է մի քանի երեխայի ճաշակի վրա ազդել»,-նշեց ՌՈՒԲԵՆ ՄԱՐՈՒԽՅԱՆԸ: Ըստ նրա`այս համատարած անճաշակությունը վերացնելու համար, պետք է վերահսկողություն սահմանվի ՀՀ ԿԳՆ եւ մշակությի նախարարությունների կողմից, իսկ ինչ վերաբերվում է ՀԳՄ-ին, ապա վերջինս հասարակական կազմակերպություն է եւ դրամատուրգի խոսքով`իրավունք չունի վերահսկել գրքերի հրատարակությունը.«Պետք է ԿԳ նախարարությանը կից ստեղծվի հրատարակչական կոմիտե, որը մանուկների համար տպագրովող բոլոր գրքերը կենթարկի գրաքննության: Չի կարելի ամեն ինչ տպագրել եւ լցնել երեխաների առաջ: Կարդում ես բանաստեղծությունը ու չես հասկանում ինչ է գրված`լկտի, անամոթ գրություններ» ,-շեշտեց արձակագիրը:

Մեկ փաստ եւս արձանագրեց Ռ. Մարուխյանը` այսօր դպրոցական դասագրքերում չկան ժամանակակից մանկական գրողների ստեղծագործությունները, խոսքը այն գրողների մասին է, որոնք տարիներ շարունակ մանուկների համար հրատարակել են որակյալ բանաստեղծություններ: Նա առաջարկում է, որպեսզի այսպիսի որակյալ գրականությունը պետական աջակցությամբ հրատարակվի մեծ քանակությամբ, որպեսզի անորակ գրականությանն ուշադրություն չդարձնեն: «Ճիշտ է, այսօր մանկական գրականությունը ծերացել է, սակայն այն մանկագիրներն,  ովքեր մեր կողքին են` երեխաների համար ստեղծում են հրաշալի բանաստեղծություններ, օրինակ,  Սուրեն Մուրադյանն, Արմեն Շեկոյանը եւ այլք»,-եզրափակեց արձակագիրը:

ԶՎԱՐԹ ԽԱՉԱՏՐՅԱՆ