ԴՐՍՈՒՄ ԱՊՐՈՂ ՀԱՅ ՈՍԿԵՐԻՉՆԵՐԻՆ ԲԵՐԵԼ ՀԱՅԱՍՏԱՆ ԵՎ ԿԱՊԵԼ ՀԱՅՐԵՆԻՔԻ ՀԵՏ

ԴՐՍՈՒՄ ԱՊՐՈՂ ՀԱՅ ՈՍԿԵՐԻՉՆԵՐԻՆ ԲԵՐԵԼ ՀԱՅԱՍՏԱՆ ԵՎ ԿԱՊԵԼ

ՀԱՅՐԵՆԻՔԻ ՀԵՏ

Հոկտեմբերի 25-28-ը Երևանում արդեն չորրորդ անգամ    հայ ոսկերիչների համաշխարհային միության կողմից կկազմակերպվի «Yerevan Show 2014» ոսկերչական ցուցահանդեսը, որն անցկացվելու է «ՄԵՐԻԴԱՆ» էքսպո կենտրոնում:

Ցուցահանդեսին այս տարի կմասնակցեն Հայաստանից, Ռուսաստանից, Ֆրանսիայից, ԱՄՆ-ից, Կանադայից, Իտալիայից, Բելգիայից, Շվեյցարիայից, Չեխիայից, Թուրքիայից, ԱՄԷ-ից և  մի շարք երկրներից ժամանած հայտնի ոսկերչական և ժամագործական  ընկերություններ, գնորդներ, բարձրաստիճան պաշտոնկյաներ:

Էկոնոմիկայի նախարարի տեղակալ Տիգրան Հարությունյանն ասաց, ցուցահանդեսին մասնակցել ցանկացող բոլոր հայ ոսկերիչներին կհամաֆինանսավորեն  50-50 սկզբունքով:  «Ոսկեգործության նվիրված այս ցուցահանդեսը  շփման հարթակ է ստեղծում ոսկերիչների համար, որպեսզի նրանք կարողանան իրենց արտադրանքը դրսում վաճառել: Այդ ցուցահանդեսի շնորհիվ ստեղծվեց ազատ տնտեսական գոտի»,- ասաց Տիգրան Հարությունյանը:

Ցուցահանդեսին մասնակցելու ակտիվություն է նկատվում շատ ոսկերչական  ընկերությունների կողմից:

Արդյունաբերության զարգացման հիմնադրամի տնօրեն Հայկ Միրզոյանն էլ ասաց, որ կանցկացվի ֆորում Հայաստանի ոսկերգործության կետրոն թեմայով:

Բանախոսների խոսքով՝ այս ցուցահանդեսի նպատակն է դրսում հայ ոսկերիչներին բերել Հայաստան, կապել Հայաստանի հետ և մեր երկիրը դարձնել միջազգային ոսկերչական կենտրոն:

Սոնա Դավթյան