Ոստիկանության Հրազդանի բաժնի ծառայողները օգոստոսի 24-ին գողություն կատարելու կասկածանքով ոստիկանության բաժին էին բերման ենթարկել Երեւանի երեք քաղաքացիների: Իրավապահները պարզել էին, որ այդ անձինք հուլիս-օգոստոս ամիսներին կատարել էին բազմաթիվ գողություններ:
Հանցավոր այդ եռյակի գործողությունների հիմնական թիրախներն էին հանդիսացել Ծաղկաձորի մի շարք հյուրանոցային համալիրներ ու հանգստյան տներ: Հանցագործները ՙձեռքի հետ՚ ՙհյուրընկալվել՚ էին նաեւ Հրազդանում գործող ավտոպահեստամասերի խանութում եւ բենզալցակայանում: Դա նախնական տվյալներով. ոստիկանները կասկածներ ունեն, որ այդ ՙգաստրալյորները՚ բացի գողություններից, կատարել են այլ հանցագործություններ եւս, մասնավորապես կողոպուտներ:
ՙՄԱՄԱ ՄԻԱ՚ ԿԱՄª ՙՎԱԽ, ՄԱՄԱ ՋԱՆ՚
Երեւանում, օգոստոսի 25-ի կեսգիշերին, Ալեք Մանուկյան փողոցում` ՙՄամա միա՚ կարաոկե ակումբի հարեւանությամբ ՙմինի մայդան՚ էին կազմակերպել հայ եւ ուկրաինացի աղջիկները: Միմյանց բարոյական եւ մարմնական վնասվածքներ պատճառելուց բացի, աղջիկները կոտրել էին ակումբի գովազդային վահանակը: Իրավապահները կարծում են, որ մարտական լիցքը աղջիկները ստացել էին ակումբում: Իսկ այն, որ նրանց լիցքաթափել են ոստիկանության բաժնումª կասկածից վեր է:
ԽԱՆԴ, ԹԵ ԿԵՆՑԱՂ
Մայրաքաղաքի Էրեբունի թաղամասում օգոստոսի 25-ին սպանվել էր 40-ամյա կին: Հիմնական վարկածն էª կենցաղային վեճը: Միաժամանակ, դատելով սպանվածի հարեւանների դիտարկումներից, չի բացառվում, որ սպանողը հանգուցյալի նախկին ամուսինն էր, իսկ շարժառիթըª խանդը: Ա. ԱԲԳԱՐՅԱՆ
1
2532 դիտում
2
2223 դիտում
3
1953 դիտում
4
1947 դիտում
5
1893 դիտում
