«ՄԵՐ ՌՈՒՍ ԳՈՐԾԸՆԿԵՐՆԵՐԻՆ ԱՅՍՏԵՂ ՍԻՐՈՒՄ, ՍՊԱՍՈՒՄ ԵՎ ՀԱՐԳՈՒՄ ԵՆ»
Արխիվ 12-16
«ՄԵՐ ՌՈՒՍ ԳՈՐԾԸՆԿԵՐՆԵՐԻՆ ԱՅՍՏԵՂ ՍԻՐՈՒՄ, ՍՊԱՍՈՒՄ ԵՎ ՀԱՐԳՈՒՄ ԵՆ»
ՀՀ-ում ՌԴ դեսպանությունում երեկ տեղի ունեցած ռուսաց լեզվի ու գրականության 10-ից ավելի ձեռնարկների շնորհանդեսին ներկա էր նաեւ ՀՀ ԿԳ նախարար ԱՐՄԵՆ ԱՇՈՏՅԱՆԸ, ով լրագրողների հետ ճեպազրույցում նախ կարեւորեց Հայաստանում ռուսերենի իմացությունը, ապա անդրադարձավ նաեւ Եվրասիական տնտեսական միության նախագծին: Ինչպես նշեց ԿԳ նախարարը. «Ռուսաց լեզվի իմացությունը շատ կարեւոր է դպրոցներում, որը հնարավորություն է տալիս շփման եզրեր գտնել յուրաքանչյուր իրավիճակում, քանի որ լինելով անգամ Չինաստանում` միշտ կգտնվի մեկն, ով տիրապետում է ռուսերենին»: Անդրադառնալով այն հարցին, թե վերջերս մեծ աղմուկ էր բարձրացել, որ Հայաստանում ռուսերենի իմացության մակարդակը խիստ ցածր է, Ա. Աշոտյանը հակադարձեց. «Սպեկլյուցիաները` ռուսաց լեզվի իմացության հետ կապված, հուրախություն մեզ, «տաքացվում» են երբեմն մեր ռուսական որոշ գործընկերների կողմից, մեղմ ասած, ոչ կոռեկտ արտահայտություններով: Պետք չէ մոռանալ, որ սա առանձին երկիր է, ու այստեղ առանձին ժողովուրդ է ապրում` իր ազգամտածողությամբ եւ միեւնույն ժամանակ իր խոր ցանկությամբ` լինել ռուս ժողովրդի հետ` կառուցելով իր ապագան ռուսական տնտեսական շրջանակներում»: Ապա հավելեց. «Եվրասիական միությունը որպես ռուսական նախագիծ է ընկալվում, թեպետ հեղինակային իրավունքները պատկանում են պարոն Նազարբաեւին: Եվ ես շատ կուզենայի, որ մեր ռուս գործընկերները, որոնք գալիս են Հայաստան, գիտակցեն, որ այստեղ նրանց սիրում, սպասում եւ հարգում են` պահանջելով նույնպիսի հարգանք իրենց նկատմամբ»:
ՀՐԱՆՏ ՍԱՐԱՖՅԱՆ
1
2532 դիտում
2
2223 դիտում
3
1947 դիտում
4
1947 դիտում
5
1893 դիտում
