Ի՞ՆՉ ԱԿՆԿԱԼԻՔՆԵՐ ՊԵՏՔ Է ՈՒՆԵՆԱ ՀԱՅԱՍՏԱՆԸ ՌԴ ՎԱՐՉԱՊԵՏԻ ԱՅՑԻՑ

Ի՞ՆՉ ԱԿՆԿԱԼԻՔՆԵՐ ՊԵՏՔ Է ՈՒՆԵՆԱ ՀԱՅԱՍՏԱՆԸ ՌԴ ՎԱՐՉԱՊԵՏԻ ԱՅՑԻՑ

Առաջիկայում նախատեսված է Ռուսաստանի վարչապետ Դմիտրի Մեդվեդեւի այցը Հայաստան, ինչը շատ է կարեւորում Գործատուների միության նախագահ Գագիկ Մակարյանը: Գ. Մակարյանի կարծիքով` Ռուսաստանն իր կատարած քայլերի մեջ  ամեն ինչ չէ, որ խոստովանում է, սակայն  որոշակիորեն ցույց է տալիս առկա  խնդիրները եւ դրանց լուծման ուղիները: Խնդիրներից մեկի լուծման ուղին, պարոն Մակարյանը տեսնում է Հայաստանի եւ Ռուսաստանի  համագործակցության զարգացման մեջ: «Խորհրդային Միության  ժամանակներից  մինչեւ այսօր գործող ռուսական ինստիտուտները  բավականին լավ վերլուծություններ են անում եւ իրենց ղեկավարներին ուղղորդում  քաղաքական քայլեր անելուց: ՌԴ վարչապետի այցի շրջանակներում Հայաստանը Վրաստանի օրինակով կարող է առաջ քաշել հայաստանյան առողջարաններում հանգստանալու եւ բուժման  խնդիրները` գիտնականների,  բժիշկների , մանկավարժների համար: Այստեղ Հայաստանը Ռուսաստանից կարող է ներդրումներ խնդրել եւ դա վճարել ոչ թե փողով, այլ ուղեգրերի ձեւով»,- նշեց ԳԱԳԻԿ ՄԱԿԱՐՅԱՆԸ: Նրա խոսքով`Հայաստանի տարբեր ձեռնարկություններ կարող են երկրից  ապրանքներ արտահանել, եթե կառավարությունը աջակցի, որը պետք է նպաստի սուբսիդավորման, էժան վարկերի տրամադրման, թանկ վարկերի մարման: Կառավարությունը պետք է հայաստանյան որոշ շուկաներում դերակատարություն ունենա, քանզի, եթե մասնավոր հատվածին  մնա այդ դերակատարությունն, ապա գործընթացը  շատ կբարդանա:

Ըստ տնտեսագետ Թաթուլ Մանասերյանի`  ՌԴ վարչապետի այցից ոչ միայն պետք է որոշակի ակնկալիքներ ունենալ, այլեւ պարտադրել եւ հուշել, թե ինչ պետք է անել: Տնտեսագետը շետեց, որ  ՀՀ կառավարությունը  չպետք է սահմանափակվի  միայն ապրանքներ արտահանելու խնդիրներ լուծելով. «Իհարկե շատ կարեևւոր է հնարավորություն տալ գյուղատնտեսությանը վերակենդանանալու եւ ինքնաիրացվելու: Բարեբախտաբար ունենք մրցունակ ապրանքեր, որոնք կարող են լավ խթան լինել շուկայում»,- փաստեց ԹԱԹՈՒԼ ՄԱՆԱՍԵՐՅԱՆԸ: Նրա խոսքով` ՀՀ կառավարությունը ՌԴ վարչապետի հետ  անպայման պետք է լուրջ բանակցություններ վարի  նաեւ ռազմաարդյունաբերական համալիրի վերաբերյալ:

ԶՎԱՐԹ ԽԱՉԱՏՐՅԱՆ