ԵՐՐՈՐԴ ԱՆԳԱՄ «ՕՁՈՒՆԻ ԳԱՆՁԵՐԸ» ԿՆԵՐԿԱՅԱՑՎԻ ՀԱՆՐՈՒԹՅԱՆԸ

ԵՐՐՈՐԴ ԱՆԳԱՄ «ՕՁՈՒՆԻ ԳԱՆՁԵՐԸ» ԿՆԵՐԿԱՅԱՑՎԻ ՀԱՆՐՈՒԹՅԱՆԸ

2014 թվականի օգոստոսի 24-ին «Միջհամայնքային տարեկան հանդիպման » շրջանակներում  տեղի կունենա ավանդական դարձած «Օձունի գանձերը» 3-րդ ամենամյա  փառատոնը: Փառատոնն իրականացվում է «Կանդար» կոպերատիվի նախաձեռնությամբ եւ G2iA (Միջմասնագիտական միջազգային հայկական խմբավորում) ֆրանսիական կազմակերպության, Ֆրանսիայի Ռոն-Ալպռեգիոնի, ՀՀ Էկոնոմիկայի նախարարության հովանավորությամբ և համագործակցությամբ՝ Արդվի, Արևածագ, Այգեհատ, Հագվի, Կարմիր Աղեկ, Մղարթ, Օձուն և Ծաթեր համայնքների գյուղապետերի, Լոռու մարզպետարանի, “Les Amis du G2iA” միջմասնագիտական հայ-ֆրանսիական ցանցի և «Սփյուռքահայ ուսանողական խորհրդի» հետ գործընկերության արդյունքում իրականացվող ծրագրի շրջանակներում։ Ամենամյա փառատոնի նպատակն է վերարժեւորել Օձունի եւ հարեւան 7 գյուղերի տեղական արտադրության մթերքները եւ պատմամշակութային ժառանգությունը: Այս տարի փառատոնի կազմակերպիչները Օձունում կհյուրընկալեն նաեւ 5 հյուր գյուղերի` Չինարի , Բերքաբեր ,Այրում, Լճկաձոր, Փանիկ: Փառատոնի բոլոր մասնակիցները հնարավորություն կունենա ոչ միայն ծանոթանալ Օձունի եւ հարակից համայնքների բերք ու բարիքին եւ օգտվել դրանիցի, այլեւ` ձիով կշրջեն Օձունով`ծանոթանալու տեղի պատմամշակութային վայրերին եւ զմայլվել Լոռվա չքնաղ բնությամբ:

Այս տարի փառատոնում ներկայացված կլինեն 15 տարբեր տաղավարներ, կազմակերպիչները նախատեսել են 5 հազար հյուրերի ընդունելություն, չնայած նախորդ տարի նրանց թիվը եղել է 3 հազար:

Օձուն համայնքի ղեկավար Արսեն Տիտանյանը կարեւորելով  փառատոնի անցկացման գաղափարը փաստեց, որ արդեն 3 տարի փառատոնը հնարավորություն է տալիս  իրենց համայնքի բնակչությանը` ստացած բերքը ցուցադրել եւ վաճառել:«Նման ծրագրերը շատ կարեւոր են, մանավանդ գյուղերի հետ կապված, քանի որ դրանց արդյունքում ստեղծվում են աշխատատեղեր: Ծրագիրը լինելու է ամենամյա եւ ամեն տարի մեր համայնքները կներկայանանա իրենց ստեղծած բարիքներով»,-ընդգծեց ԱՐՍԵՆ ՏԻՏԱՆՅԱՆԸ:

G2iA-ի հայաստանյան ներկայացուցչության ղեկավար  Զոհրաբ Մինասյանի խոսքով` փառատոնը ընդգրկվել է Հայաստանում պարբերաբար կազմակերպվող եւ անցկացվող փառատոնների ցանկի մեջ:«Փառատոնի արդյունքում ստղծվել է «Կանդար» կոպերատիվը, որը եւ այս տարի դարձել է փառատոնի գլխավոր աջակիցը, բացի այդ,  շնորհիվ կոպերատիվի այսօր 34 հոգի արդեն աշխատում է»,-նշեց ԶՈՀՐԱԲ ՄԻՆԱՍՅԱՆԸ:

ԶՎԱՐԹ ԽԱՉԱՏՐՅԱՆ