ՎԱՇԽԱՌՈՒՆ ԱՄԵՆ ԿԵՐՊ ԲԱՐԵԽԻՂՃ ԳՆՈՐԴ Է ՆԵՐԿԱՅԱՆՈՒՄ

ՎԱՇԽԱՌՈՒՆ ԱՄԵՆ ԿԵՐՊ ԲԱՐԵԽԻՂՃ ԳՆՈՐԴ  Է ՆԵՐԿԱՅԱՆՈՒՄ.

Հուլիսի 30-ին  «Իրավունքն» անդրադարձել էր Բաբաջանյան  փողոցի 103 շենքի  22 Սողոմոնյանների բնակարանի խնդրին (http://iravunk.com/index.php?option=com_content&view=article&id=18604:2014-07-30-18-28-22&catid=41:lurer&Itemid=57): Հաշմանդամ երեխայի ընտանիքը  բնակարանը կորցնելու վտանգի առաջ է: Ինչպես մեզ հետ զրույցում հայտարարել էր տան սեփականատեր  Հովհաննես Սողոմոնյանը, իր բնութագրմամբ վաշխառու Նորիկ Տեր-Գրիգորյանը ցանկանում է վերականգնել իրենց տան առք ու վաճառքի շինծու պայմանագիրը: Այդ նպատակով վաշխառուն դատի է տվել կադաստրի պետական կոմիտեին, թե ինչու է տան սեփականատեր ճանաչվել Հովհաննես Սողոմոնյանը, ով դատական այս գործում երրորդ կողմ է հանդես գալիս:

«Իրավունքի» թղթակցին այսօր Հ.Սողոմոնյանը տեղեկացրեց, որ  սույն  դատական գործով  նիստը տեղի կունենա սեպտեմբերի տասին ժամը 11:00-ին վարչական դատարանում: «Նորիկ Տեր-Գրիգորյանն  ամեն կերպ  ցանկանում է բարեխիղճ գնորդ ներկայանալ»,-ասաց  տանտերը:

Հովհաննես Սողոմոնյանն էլ իր հերթին  2013-ին քրեական գործ հարուցելու պահանջով է հանդես եկել՝ գործի բոլոր մեղավորներին պատասխանատվության ենթարկելու համար: «Մի քանի օր առաջ էլ  քննիչն էր եկել փորձագետի հետ՝ չափումներ կատարելու և հասկանալու՝ 2008-ին տունը 21.000 դոլար արժեր, թե ոչ: Քննիչն ինձ ասաց, որ սույն գործով մարդկանց է հարցաքննում»,- մանրամասնեց տան սեփականատերը:

Հովհաննես Սողոմոնյանին մտահոգում է  նաև սույն  գործով մեղավոր Ռուբեն Գևորգյանն անհետացել է, նրա նկատմամբ անգամ հետախուզում չի հայտարարվել. «Գնացել եմ ծերանոց՝ ծնողներին տեսել եմ: Մեկ ասում են՝չգիտենք՝ Ռուբենը որտեղ է, հետո էլ ասում են՝ գնացել է Ռուսաստան»:

Սոնա Դավթյան