«ԿՈՉ ԵՄ ԱՆՈՒՄ ԼՈՒՐՋ ՎԵՐԱԲԵՐՎԵԼ ԱԶԳԱՅԻՆ ԽՈՀԱՆՈՑԻՆ»

«ԿՈՉ ԵՄ ԱՆՈՒՄ ԼՈՒՐՋ ՎԵՐԱԲԵՐՎԵԼ ԱԶԳԱՅԻՆ ԽՈՀԱՆՈՑԻՆ»

Հայկական խոհանոցի նկատմամբ հետաքրքրությունը եւ հանրության ուշադրությունը գնալով մեծանում է, ինչը նախկինում այդպես չէր: «Հայ խոհարարական ավանդույթների զարգացման և պահպանման»Հ/Կ նախագահ Սեդրակ Մամուլյանի խոսքով` ազգային խոհանոցի  հանդեպ կա մեծ ուշադրություն, երիտասարդները սկսել են հետաքրքրվել խոհարարի մասնագիտությամբ, նրանք ձգտում են ձեռք բերել եւ տիրապետել ազգային խոհանոցի բոլոր հմտություններին: «Մեր ազգային խոհանոցի նկատմամբ կա մեծ հետաքրքրություն, մարդկանց ես կոչ եմ անում լուրջ վերեբերվել  ազգային խոհանոցին: Ուտեստը հենց այնպես ուտեստ չէ, մանավանդ ծիսական ուտեստները, որոնք իմաստավորված են եւ դրանց հիմքերը գտնելով կվերկանգնենք բոլոր ավանդույթները, կփոխվի նաեւ մեր վերաբերմունքը ագային խոհանոցի նկատմամբ»,-նշեցՍԵՐԱԿ ՄԱՄՈՒԼՅԱՆԸ: Ըստ նրա` նախկինում ավելի մեծ նշանակություն է տրվել ազգային խոհանոցին, որի առանձնահատկություններից մեկն այն է, որ գոյություն է ունեցել պաշարելու ավանդույթը. «Պաշարելու այդ մեծ ավանդույթն էլ վկայում է այն մասին, որ ազգային ուտեստին նախկինում ավելի մեծ դեր է հատկացվել: Չնայած այդ ավանդույթը այսօր դանդաղորեն վերկանգնվում է»,-ավելացրեց Ս. Մամուլյանը:

Հայոց ազգագրության թանգարանի գիտական գծով փոխտնօրեն, ազգագրագետ Սվետլանա Պողոսյանի բնորոշմամբ էլ  հայոց ազգային ուտեստը ազգային դիմագծի, մշակութային եսի տարերրից է, որը կարեւոր նշանակություն ունի, քանի որ ազգային ուտեստը նաեւ  ամբարված ժողովրդական գիտելիքների մի ամբողջ պաշար է պարունակում. «Դեռ 10 տարի առաջ մենք վտանգված էինք տեսնում ազգային ավանդույթները, չէր արժեւորվում ազգային ուտեստները, բարեբախտաբար այսօր պատկերը փոխվել է: Բոլորը գիտակցում են, որ զբասաշրջիկը գալով իրենց երկիր սկսում է հետաքրքրվել տվյալ երկրի ու տարածաշրջանի այնպիսի առանձնահատկություններով, ինչպիսին է ուտեստն իր ավանդական կերակրատեսակներով»,-ընդգծեց ՍՎԵՏԼԱՆԱ  ՊՈՂՈՅԱՆԸ: Ազգագարգետը նաեւ շեշետեց, որ ազգային խոհանոցի հետ կապված  դեռեւս շատ անելիքներ կան` այն ամենն ինչ կա  պետք է զարգացնել եւ տարածել:

ԶՎԱՐԹ ԽԱՉԱՏՐՅԱՆ