ԴԻՄԵԼՈՒ ԵՆՔ ՆԱԵՎ ՎԱՐՉԱԿԱՆ ԴԱՏԱՐԱՆ. ԱԶԱՏԱՄԱՐՏԻԿԻ ԸՆՏԱՆԻՔԸ ՄԻՆՉԵՎ ՎԵՐՋ ՊԱՅՔԱՐԵԼՈՒ Է

ԴԻՄԵԼՈՒ ԵՆՔ ՆԱԵՎ ՎԱՐՉԱԿԱՆ ԴԱՏԱՐԱՆ. ԱԶԱՏԱՄԱՐՏԻԿԻ  ԸՆՏԱՆԻՔԸ ՄԻՆՉԵՎ ՎԵՐՋ ՊԱՅՔԱՐԵԼՈՒ Է

Օգոստոսի 8-ին «Իրավունքը»  բարձրաձայնել էր  Մադոյան փողոցի 24 տանը բնակվող Դարբազյանների խնդիրը (http://iravunk.com/index.php?option=com_content&view=article&id=18734:2014-08-08-18-00-03&catid=41:lurer&Itemid=57):

Հիշեցնենք՝ազատամարտիկ Դարբազյանների ընտանիքը  հայտնվել է փողոցում հայտնվելու վտանգի առաջ, քանի որ մոտ 25 տարի առաջ իրենց և հարևան Անդրանիկ Սարգսյանի միջև եղած  գործարքն այսօր Ա. Սարգսյանի դուստրը՝ ժառանգորդ Մելինե Սարգսյանն ու իր ընտանիքի անդամները,  չեն ընդունում: Այդ գործարքի համաձայն  ազատամարտիկ Վարդան Դարբազյանը վճարել է 12.000 ռուբլի և գնել Մադոյան փողոցի տունը, որտեղ արդեն բնակվում են  երկար տարիներ:

Այսօր  Վարդան Դարբազյանի կինը՝ Վարդուհի Գևորգյանը, մեզ տեղեկացրեց, որ մինչև սեպտեմբեր իրենք դիմելու են վերաքննիչ դատարան՝չեղյալ համարելու Շենգավիթ առաջին ատյանի դատարանի որոշումը, ըստ որի՝  Դարբազյանները պետք է ազատեն բնակարանը: «Մենք փաստաբան  ունենք, ով մեզ ասում է, որ կարող ենք դատը շահել,  ավելին՝ մենք  դիմելու ենք  նաև վարչական դատարան, որ իրենք ձեռք բերած թղթերը կեղծիքով են ձեռք բերել»,- եզրափակեց տիկին Գևորգյանը:

Սոնա Դավթյան