ՄՆՋԱԽԱՂԻ ՓԱՌԱՏՈՆԸ ՎԵՐԱԾՎԵՑ ԱՆՁՐԵՎԱՅԻՆ ԴԻՍԿՈՏԵԿԻ (Տեսանյութ)

ՄՆՋԱԽԱՂԻ ՓԱՌԱՏՈՆԸ ՎԵՐԱԾՎԵՑ ԱՆՁՐԵՎԱՅԻՆ ԴԻՍԿՈՏԵԿԻ (Տեսանյութ)

Երեկ ծաղկաձորյան մթնոլորտում Լեոնիդ Ենգիբարյանի անվան Մնջախաղի միջազգային 4-րդ փառատոնի երրորդ օրն էր: Սակայն, եղանակը որոշեց իմպրովիզային տարբերակով նույնպես փառատոնի մասնակիցը դառնալ: Արդյունքում մինչ հանդիսատեսն ու հյուրերը կտեղավորվեին Ծաղկաձորի կենտրոնական հրապարակում տեղադրված նստարաններին, որպեսզի դիտեն հայկական «Պլյուս-մինուս» ներկայացումը, ամպերն էլ զուգահեռ կուտակվեց հրապարակի վրա ու սկսվեց հորդառատ անձրեւը: Մի քանի րոպեների ընթացքում ողջ հանդիսատեսը հայտնվեց բեմահարթակում, որը ծածկի տակ էր: Դե ինչ, էլ ոչինչ չէր մնում անել, բացի երաժշտությունը միացնելուց ու անձրեւից կիսաթրջված հանդիսատեսի հետ միասին դիսկոտեկային փարթի անելուց: Մի լավ պարեցին թե՛ փառատոնին մասնակից արտասահմանյան հյուրերը, թե՛ տեղացիները: Այնպես որ, միայն մնջախաղը չէ, որ ունի մեկ լեզու, այլ նաեւ պարը: Ինչեւէ, անձրեւից հետո փառատոնի գեղարվեստական ղեկավար Ժիրայր Դադասյանը հայտարարեց, որ ներկայացումները կտեղափոխվեն հաջորդ օրը:

Քիչ անց փառատոնի գլխավոր բեմում ծաղկաձորյան հանդիսատեսը հնարավորություն կունենա դիտել երեկ չկայացած ներկայացումները` «Պլյուս-մինուս»-ը (Հայաստան), «Մյութ» դուետը (Թաիլանդ):

Ի դեպ, հորդառատ անձրեւը, էքստրիմալ երեկոն ու հանդիսատեսի բեմում հայտնվելը ամենից շատ ուրախացրել էր Ճապոնիայից ժամանած դերասան Մակոտո Ինոեին ու ծաղկաձորցի փոքրիկներին:

Նյութը եւ տեսանյութը` ՀՐԱՆՏ ՍԱՐԱՖՅԱՆԻ