ՀՀ ԳԵՂԱՐՔՈՒՆԻՔԻ ՄԱՐԶԻ ՄԱՐՏՈՒՆՈՒ ՏԱՐԱԾԱՇՐՋԱՆՈՒՄ ԾՆԵԼԻՈՒԹՅՈՒՆՆ ԱՃՄԱՆ ՄԻՏՈՒՄՆԵՐ ՈՒՆԻ

ՀՀ ԳԵՂԱՐՔՈՒՆԻՔԻ ՄԱՐԶԻ ՄԱՐՏՈՒՆՈՒ ՏԱՐԱԾԱՇՐՋԱՆՈՒՄ  ԾՆԵԼԻՈՒԹՅՈՒՆՆ ԱՃՄԱՆ ՄԻՏՈՒՄՆԵՐ ՈՒՆԻ

ՀՀ Գեղարքունիքի մարզի Մարտունի քաղաքի ծննդատունը 1996 թվականից առանձնանալով քաղաքի ընդհանուր հիվանդանոցի կառուցվածքից սկսել է գործել , որպես առանձին ծննդատուն: 1996 թվականից մինչ այսօր ծննդատունը ղեկավարում է ԱՐԹՈՒՐ ՀՈՎՀԱՆՆԻՍՅԱՆԸ, ում խոսքով` տարվա կտրվածքով Մարտունու տարածաշրջանից ծննդատունը ընդունում է 1200-1300 ծնունդ: Ծնունդների մեջ աղջիկների տվաքանակը 4 տոկոսով գերազանցում է տղաների թվին, ինչը ըստ տնօրենի նորմալ է: Ա. Հովհաննիսյանն «Իրավունքի» հետ զրույցում փաստեց, որ 18 տարիների ընթացքում ծննդատան համար ամենամեծ ձեռքբերումն այն է, որ բնակիչները վստահում են իրենց: Բացի այդ, պրն. Հովհաննիսյանը մեծագույն ձեռբերում համարեց նաեւ ծննդատան պրոֆեսիոնալ աշխատակազմը: Որպես առանձին կառույց ծննդատունը ունեցել է խնդիրներ, որոնք տարիների ընթացքում ստացել են իրենց լուծումները.

ՄԵՆՔ ԿԱՐՈՂԱՑԱՆՔ ՄԱՐԴԿԱՆՑ ԳԻՏԱԿՑՈՒԹՅՈՒՆԸ ԱՅՆՔԱՆ ԲԱՐՁՐԱՑՆԵԼ, ՈՐ ՆՐԱՆՔ  ԴԱԴԱՐԵՑԻՆ ՏՆԱՅԻՆ ՊԱՅՄԱՆՆԵՐՈՒՄ ԾՆՆԴԱԲԵՐԵԼ

-Մեզ համար հիմնական դժվարությունն այն էր, որ կարողացանք մարդկանց գիտակցությունը այնքան բարձրացնել, որպեսզի նրանք տնային պայմաններում չծննդաբերեն, այլ գան ծննդատուն: Այսօր փառք աստծո այդ դժվարությունը հաղթահարված է: Այդ ամենին իհարկե նպաստեցին  ծննդատան պայմանները , հետազոտման համար անհրաժեշտ բոլոր սարքավորումները եւ մասնագետների պրոֆեսիոնալ մոտեցումները, քանի որ այստեղ նրանց օգնությամբ կանայք խուսափում են բազմաթիվ վտանգավոր ռիսկերից: Ծննդատունն ունի լավ մասնագետներ`20-25 տարվա աշխատանքային փորձով: Նրանցից շատերը ժամանակ առ ժամանակ անցնում են վերապատրաստում թե՛ Հայaստանում թե՛ արտասահմանում: ՀՀ Առողջապահութjան նախարարութունը մարզում կազմակերպում է զանազան սեմինարներ , որին նույնպես մասնակցում են մեր բժիշկները:
Արթուր Հովհաննիսյանի նկատեց, որ Մարտունու տարածաշրջանում ծնելիության աճ է նկատվում:

ՄԵԶ ՄՈՏ ԾՆԵԼԻՈՒԹՅԱՆ ԱՃ ԿԱ
_Եթե նախորդ տարիների հետ համեմատենք` ծնելիությունը նվազել է, սակայն աճման միտում ունի: 2013 թվականին մեզ մոտ ծնունդների թիվը որոշ չափով նվազել էր, իսկ այս տարի ունենք ծնելիության աճ: Մեր խնդիրներից մեկն այն է, որպեսզի ունենանք շատ ծնունդներ: Չնայած ծննդատունն այսօր ունի հետազոտությունների համար նախատեսված զանազան սարքավորումներ, սակայն մենք պետք է ժամանակին համահունջ քայլելը: Բժշկությունն ամեն օր զարգանում է եւ մենք պարտավոր ենք ոչնչից հետ չմնալ , մեզ համար խնդիր է  ծննդատունը համալրել նորագույն սարքավորումներով:

Այսօր Գեղարքունիքի մարզից արտագնա աշխատանքի մեկնողները շատ են, ինչը նպաստում է մարզում բազմաթիվ սեռավարակների տարածմանը: Ինչպես մասնագետներն են փաստում` սեռավարակների տարածվածության աստիճանով աչքի է ընկնում Գեղարքունիքի եւ Շիրակի մարզերը:

ՍԵՌԱՎԱՐԿՆԵՐՈՎ ՊԱՅՄԱՆԱՎՈՐՎԱԾ ԱՐԱՏԱՎՈՐ ԵՐԵԽԱՆԵՐ ՉԵՆ ԾՆՎԵԼ

-Ամեն մի սեռավարակ բացասական ազդեցություն է ունենում կնոջ եւ երեխայի առողջության վրա: Եթե կնոջ մոտ կա որեւէ սեռավարակ եւ նա չի կարողանում հղիանալ մենք նրան բուժում ենք: Հղի կանաց շրջանում մենք իրականացնում ենք ամենօրյա հետազոտույթուններ, որպեսզի եւ՛ ծնողները եւ՛ նորածինները խուսափեն հետագա բոլոր  խնդիրներից: Մեզ մոտ սեռավարակներով պայմանավորված արատավոր երեխաներ չեն ծնվել: Այս առումով դեռեւս  անհանգստացնող որեւէ խնդիր չունենք:

ԶՎԱՐԹ ԽԱՉԱՏՐՅԱՆ