«ՄԵՆՔ ԱՅՍՏԵՂ ՊԵՏՔ Է ԱՊՐԵՆՔ ԵՎ ՍՏԵՂԾԱԳՈՐԾԵՆՔ»

Արխիվ 12-16 11 Օգոստոս, 2014 12:57

Գառնիի արվեստի դպրոցը գործում է 1990 թվականից , տարիների ընթացքում դպրոցը շատ խնդիրներ է ունեցել, սակայն այսօր ինչպես դպրոցի տնօրեն Ռուբեն Բաբայանն է փաստում`դպրոցը գրեթե խնդիրներ չունի: Եթե նույնիսկ որոշ խնդիրներ էլ ունի, ապա դրանք ժամանակի ընթացքում կլուծվեն: Տնօրենի խոսքով`դպրոցի սաները տարբեր տարիների ընթացքում ունեցել եւ շարունակում է ունենալ հաջողություններ: Հաջողությունները նաեւ այն մարդկանց շնորհիվ է, ովքեր նվիրյալներ են եւ նույնիսկ ցածր աշխատավարձի դեպքում` շարունակում են իրենց գիտելիքները փոխանցել աշակերտներին:

_Ամենակարեւորն այն է, որ այսօր մեր երեխաները ունեն իրենց անկյունը, ապրում եւ ստեղծագործում են իրենց հողում`Հայրենիքում: Արվեստի դպրոցը այդ հնարավորությունը տալիս է: Շատ ուրախալի է, երբ տեսնում եմ, թե մեր երիտասարդները ինչքան են հետաքրքրված արվեստով , ավագ սերնդի արվեստագետները պետք է անեն ամեն ինչ, որպեսզի երիտասարդները մոտ լինեն արվեստին: Մենք այսօր ապրում ենք մի ժամանակաշրջանում, որտեղ կարծես ազգայինը այդքան էլ առաջնային դիրքերում չէ, սակայն ուրախալի է նաեւ այն, որ նոր սերունդը ազգային բոլոր ավանդույթները քիչ –քիչ առաջ է բերում: Ես մի բան կարող եմ ասել`երբ բոլորը մոտ կանգնեն իրենց արմատներին , այդ ժամանակ էլ կհասկանանք, թե մենք ով ենք եւ որտեղից ենք եկել: Ամեն ինչ վերկանգնվում է ու դեռ շատ ավանդույթներ էլ կվերականգնվեն:

Ըստ Ռ. Բաբայանի դպրոցում աշակերտներին պետք է միայն գեղեցիկը չսովորեցնեն, այլ`այնպես ուսուցումը կազմակերպեն, որ նրանք հասկանան ինչ բան է Հայրենիքը, նրանց մեջ սերմանեն հայրենասիրություն:

-Մեր դպրոցի սաները իր հայրենասիրությունը արտահայտում է իր ստեղծագործություններում: Բոլորը հասկանում են, որ սա է մերը , մենք այստեղ պետք է ապրենք եւ ստեղծագործենք:

ԶՎԱՐԹ ԽԱՉԱՏՐՅԱՆ