500 ԵԶԴԻ ԿԻՆ ԱՌԵՎԱՆԳՎԵԼ ԵՎ ՏԱՐՎԵԼ Է ՀՅՈՒՐԱՆՈՑ

500 ԵԶԴԻ ԿԻՆ ԱՌԵՎԱՆԳՎԵԼ ԵՎ ՏԱՐՎԵԼ Է  ՀՅՈՒՐԱՆՈՑ

Ինչպես արդեն հայտնի  է, Իրաքի Քուրդիստանում   իսլամիստների կողմից  ոչնչացվում են եզդիները: Ըստ ոչ պաշտոնական տվյալների՝եզդիները 10.000-ից ավելի զոհ են տվել, իսկ 300.000 էլ դարձել են փախստական:

«Իրավունքի» հետ զրույցում  Իրաքում բնակվող եզդի հասարակական-քաղաքական գործիչ, իրավապաշտապան Միրզա Դնային,  ով այս օրերին զբաղվում է եզդիների խնդիրներով,   հանդիպում ՄԱԿ-ի ներկայացուցիչների, ԱՄՆ-ի, Իրաքի կառավարության  անդամների հետ, ասաց, որ   իրավիճակը բավական լարված է. «Իրաքի Շանգալ մարզը լքել է եզդիների մոտ 90 տոկոսը,լեռներում անօգնական և առանց սնունդի է մնացել   մոտ 70.000 եզդի»:

Պրն Դնայու խոսքով՝  ձևավորվել է  Շանգալի եզդիների ինքնապաշտպանության ջոկատը՝ 2000 մարտիկներից կազմված: Ինքնապաշտպանական ջոկատը համագործակցում  PKK –ի և Սիրիայի քրդական կուսակցության զինյալների հետ: «Իրավիճակը  սրվեց այն ժամանակ, երբ Իրաքի քրդական զինուժը  օգոստոսի երկուսին  Շանգալի մարզից դուրս  եկավ՝ առանց զգուշացնելու  բնակչությանը: Այդ պատճառով  էլ իսլամիստներն այդքան առաջխաղացում ունեցան»,-մանրամասնեց իրավապաշտպանը՝ հավելելով, որ իսլամիստները առևանգել են 500 եզդի կանանց և տարել Մոսուլ քաղաքի հյուրանոցներից մեկը:

Ինչ վերաբերում է Իրաքի կառավարության դիրքորոշմանը,  վերջինս հիմնականում  չեզոք դիրքում է, չի մասնակցում  ռազմական գործողությունների. «Տարբեր երկրներում եզդի համայնքների բողոքներից հետո, ամենայն հավանականությամբ, Իրաքի կառավարության վրա ճնշումներ են գործադրվել, որի հետևանքով երեկվա դրությամբ Շանգալի ինքնապաշտպանական Իրաքի կառավարոււթյունը Շանգալի ինքնապաշտպանական ջոկատին  զենք  է տրամադրել»:

Հիշեցնենք, որ այսօր   եզդիները Իրաքի դեսպանատան կազմակերպում են բողոքի  ակցիա՝ ի պաշտպանություն Իրաքում եզդիների ցեղասպանության:

Սոնա Դավթյան