Անդրանիկ Նիկողոսյանն ընտրվել է Եվրասիական առևտրաարդյունաբերական միության խորհրդի նախագահ

Oգոստոսի 7-ին քաղաք Մոսկվայում  Եվրասիական առևտրաարդյունաբերական միության    խորհրդի  նախագահ է ընտրվել ԱՊՀ երկրների երիտասարդական միության խորհրդի նախագահ Անդրանիկ Նիկողոսյանը:

Եվրասիական առևտրաարդյունաբերական միություն  զբաղվում  է ՄՄ  և ԱՊՀ անդամ երկրների միջև   գործարար կապերի հաստատման, խորացման և ընդլայնման, մանր և  միջին բիզնեսի խթանման հարցերով:

Աշխատանքների ընդլայման  համար  կստեղծվեն  նոր աշխատատեղեր և  կյանքի են  կոչվելու առևտրաարդյունաբերական ոլորտը ներկայացնող բազմաթիվ նոր ծրագրեր: Հիշեցնենք, որ Անդրանիկ Նիկողոսյանը ԱՊՀ երկրներում հայտնի է որպես հեղինակավոր  հասարակական-քաղաքական գործիչ:

Տարիների ընթացքում   զբաղեցրել է տարբեր պաշտոններ պետական և ոչ պետական կառույցներում: Հանդիսանում է Եվրասիական շարժման հիմնադիրը, «Եվրասիա» մեդիահոլդինգի գլխավոր տնօրենը, որի ակտիվում են  բազմաթիվ լրատվամիջոցներ, այդ թվում evrazesnews.ru, euraspravda.com, «Евразийская правда» թերթը և  «Евразия Де-Факто» ամսագիրը:

Ա. Նիկողոսյանը 2010 թվականին ՌԴ նախագահ Դմիտրի Մեդվեդևի հրամանագրով պարգևատրվել է  «Ռուսական Դաշնության հետ մշակութային կապերի զարգացման, արտասահմանում ռուսաց լեզվի և մշակույթի պահպանման ու տարածման գործում ունեցած մեծ ներդրման համար» բարեկամության շքանշանով:Մոսկվայի և Համայն Ռուսիո Պատրիարք Կիրիլի հրամանագրով պարգևատրվել է Ռուսական Ուղղափառ Եկեղեցու Սուրբ բարեպաշտ իշխան Դանիլ Մոսկվացու երրորդ աստիճանի շքանշանով: Ս. Լավրովի կողմից՝ ՌԴ կառավարության պատվոգրով:

ՀՀ ԱԺ նախագահ Հովիկ Աբրահամյանի կողմից պարգևատրվել  է «ՀՀ Ազգային ժողովի պատվո մեդալ»-ով` Եվրասիական ինտեգրացիոն գործընթացներում ԱՊՀ երկրների երիտասարդական միության ցուցաբերած ակտիվ մասնակցության համար:

Ա. Նիկողոսյանը պարգևներ է ստացել ՀՀ ոստիկանության պետ Վլադիմիր Գասպարյանի և Երևանի քաղաքապետ Տարոն Մարգարյանի  կողմից :