ՆՐԱՆՑ ՇՆՈՐՀԻՎ ԷԼ ԱՅՍՕՐ ՈՒՆԵՆՔ ԱԶԱՏ ԱՐՑԱԽ
Արխիվ 12-16
ՆՐԱՆՑ ՇՆՈՐՀԻՎ ԷԼ ԱՅՍՕՐ ՈՒՆԵՆՔ ԱԶԱՏ ԱՐՑԱԽ
ՄՀՆՋ գումարտակի հրամանատարի տեղակալ ԱՇՈՏ ԽՈՒՐՇՈՒԴՅԱՆՆ այսօր կդառնար 59 տարեկան: Օգոստոսի 5-ին զոհված հայորդու ծննդյան օրն է: Իր մարտական ոգով ու արիությամբ Աշոտ Մամիկոնի Խուրշուդյանը մասնակցել է Շուռնուխի, Բերձորի, Քաշաթաղի, Արցախի այլ բնակավայրերի ազատագրման համար մղվող մարտերին: Զինակից ընկերների հետ միասին Աշոտն ուժ ու եռանդ, մարտական ոգի և կամք էր տարածում ամենուր, ու թշնամու դեմ պայքարը վերածում հաղթանակի: «Զոհված ազատամարտիկների կատարած աշխատանքը թեև անգնահատելի է ու թանկ, սակայն պետք է շարունակենք ու ավելի ընդլայնենք մեր տարածքները, որպիսզի հայ գյուղացին հանգիստ մշակի իր հողը, հայ զինվորը խաղաղ պահպանի մեր սահմանը: Հպարտ եմ հորս անցած ճանապարհով և Հայրենիքի ազատության համար նրա անձնազոհ, ըմբոստ տեսակով», «Իրավունքի» հետ զրույցում նշեց Աշոտ Խուրշուդյանի որդին` ՄԱՄԻԿՈՆ ԽՈՒՐՇՈՒԴՅԱՆԸ:
Մենք պարտավոր ենք վառ պահել նման հայորդիների հիշատակը` ովքեր անձնվիրաբար ու հոգու տոկունությամբ լցված նետվում էին մարտադաշտ, առանց վարանելու, փախչելու կամ խուճապի: Նրանց շնորհիվ էլ այսօր ունենք ազատ Արցախ, հզոր ու կայուն պետականություն:
Աշոտ Խուրշուդյանը հետմահու արժանացել է «Մարտական ծառայության», «Սխրագործության համար» և պետական այլ մեդալների ու պարգևների:
ԼԻԼԻԹ ԵՂԻԱԶԱՐՅԱՆ
1
2532 դիտում
2
2223 դիտում
3
1965 դիտում
4
1953 դիտում
5
1903 դիտում
