Քաղաքական գործչի պարագայում շատ կարեւոր է ժամանակին գնալ քաղաքական թոշակի, այլապես անհարմար բան է ստացվում:

Քաղաքական գործչի պարագայում շատ կարեւոր է ժամանակին գնալ քաղաքական թոշակի, այլապես անհարմար բան է ստացվում: Այդ ճշմարտությունը զարմանալիորեն վերջերս հաստատեց ՊԱՐՈՒՅՐ ՀԱՅՐԻԿՅԱՆԸ` հայտարարելով. ՙԵրբ բոլորիս համար ակնհայտ էր, որ Հայաստանի ժողովրդի 77 տոկոսը կողմ էր եվրոպական կողմնորոշմանը, ՀՀ նախագահ Սերժ Սարգսյանը հրաժարվեց նրանց հետ հարաբերություների սերտացումից՚: Զարմանալի է, այդ ինչո±ւ Հայրիկյանը որոշեց, որ եվրոպամետ են ՀՀ քաղաքացիների 77 տոկոսը` այդ թիվն առաստաղից վերցրեց, երազում տեսավ, թե այն վերցրեց սեփական մատից... Ախր, ցանկացած տեղ, ցանկացած միջավայրում` բացառությամբ թերեւս ամերիկյան փողերով ապրող հիմնարկների, եթե հարցում անցկացնես, կստանաս տրամագծորեն հակառակը: Համ էլ, որտեղի±ց մեր ժողովրդի մոտ 77 տոկոս պետք է կողմնորոշված լինի դեպի Եվրոպա, եթե Եվրոպայի անունը լսելով` գրեթե բոլորը միանգամից մտաբերում են կամ համասեռամոլությունը, կամ անառակությունը, կամ երկուսը միասին:
Իսկ քաղաքագետ ԼԵՎՈՆ ՇԻՐԻՆՅԱՆԸ իրավացիորեն մատնանշեց, որ ՙՀայ ժողովուրդը սովորություն ունի` նեղության պայմաններում հայրենիքը լքելու, դա ես չեմ ասում` Թումանյանն է ասել 1912 թվականին: Թուրքը ձեւը գտել էր` օղակը սեղմում էր, պայմաններ ստեղծում, որ հայերս հավաքենք ճամպրուկները ու գնանք երկրից: Հիմա նույնը Ադրբեջանն է անում՚: Սակայն բավականին հետաքրքիր է քաղաքագետի հետեւյալ դիտարկումը. ՙԵթե մենք ժողովուրդ ենք, եկող ընտրական ցիկլը պիտի դարձնենք կենաց ու մահու պայքար արտագաղթի դեմ` ձայն տալ բացառապես նրանց, ովքեր իրատեսական ծրագրեր կձեռնարկեն, կխոստանան ռեալ միջոցներ ձեռնարկել արտագաղթի դեմ՚: Զարմանալի է, մի±թե պարոն Շիրինյանը հույս ունի, որ մեր ժողովուրդը քվե կտա ասենք այն թեկնածուներին, ովքեր կխոստանան սահմանափակել տեղաշարժի ազատությունը, կոպիտ ասած` փակել սահմանները, կամ խոշոր տուգանքներ սահմանել ՙԵրկիրը երկիր չի՚ տիպի խոսակցությունների ու առավել եւս քարոզչության համար: Ընդհակառակը` խանդավառորեն քվե կտան նրանց, ովքեր կխոստանան, որ ե°ւ ռուսներից, ե°ւ ամերիկացիներից, ե°ւ եվրոպացիներից կկորզեն առանց դժվարության այդ երկրներում հայերի հաստատվելու պարտավորություն: Դա այն հարցն է, որ չի կարելի թողնել ժողովրդի հայեցողությանը, ընդհակառակը` հաջորդ ընտրական ցիկլից հետո հարկ է ունենալ այնպիսի օրենսդիրներ, ովքեր անգամ ժողովրդին դուր չեկող կոշտ միջոցներով կկանգնեցնեն արտագաղթը:
Մի զարմանալի բան տեղի ունեցավ ՇԱՆԹ ՀԱՐՈՒԹՅՈՒՆՅԱՆԻ դատավարության ժամանակ: Այդտեղ ոստիկաններից մեկը ցուցմունք տվեց, որ Շանթ Հարությունյանի որդուն` Շահենին, անկարգությունների վայրից բերման ենթարկելու ժամանակ իրենք չեն ծեծել, ինչին անմիջապես արձագանքեց պատանու մայրը. ՙԻնչո±ւ ես սուտ խոսում՚: Եվ, իրոք, զարմանալի է, ինչո±ւ է ոստիկանը սուտ խոսում, արդյո±ք նրանից, որ խոստովանի, որ իրոք ծեծել են, ինչ-որ բանով ընդհանրապես կփոխվի Շանթ Հարությունյանի եւ նրա համախոհների դատավարության ընթացքը: Ի վերջո, պարզ է, չէ, որ ցանկացած փողոցային անկարգության կասեցման ժամանակ շատերն են ոստիկաններից ծեծ ուտում, ու դժվար թե դա արտառոց բան համարի որեւէ մեկը:
Իսկ ամերիկյան ֆիզիկոս ԴԱՆԻԵԼ ԲԵՅՔԵՐԸ հայտնաբերել է մի ապշեցուցիչ փաստ` որ ուղիղ 2 տարի առաջ մեր մոլորակը փրկվեց կործանումից: 2012-ի ամռանը արեգակի վրա այնպիսի հզոր բռնկում էր եղել, որ արեւապսակի զանգվածի հզոր արտանետումները հուլիսի 23-ին հատել էին Երկիր մոլորակի ուղեծրային հետագիծը: Գիտնականի պնդմամբ, եթե այդ արտանետումը դրանից 1 շաբաթ շուտ տեղի ունենար, մեր մոլորակը ուղիղ արտանետման մեջ կընկներ եւ կդառնար հրո ճարակ` բառիս բուն իմաստով: Զարմանալի է, այդ ինչպե±ս է լինում, որ միշտ ի հայտ են գալիս մեր մոլորակը կործանումից փրկող պատահականություները: Դե արի ու մի ասա, որ այդտեղ անպայման առկա է արարչական միջամտությունը: Հետեւաբար, զարմանալով հանդերձ, մնում է գալ եզրակացության, որ 2012-ին երկնային ուժերին պարզ էր, որ մարդկությունը վերջնականապես փչացած չէ եւ դեռ շատ անելիքներ ունի:   

Զարմացած է  
ՀՈՎՀԱՆՆԵՍ ԳԱԼԱՋՅԱՆԸ