ԲՆԱՊԱՀՊԱՆՈՒԹՅԱՆ ՆԱԽԱՐԱՐԸ ՈՉ ՏԵՍԵԼ ՈՉ ԷԼ ԼՍԵԼ ` ԱՇԽԱԱԿՑԻՆ ԻՆՉՊԵՍ ԵՆ ՀԱՐՎԱԾԵԼ. ՏԵՍԱՆՅՈՒԹ

ԲՆԱՊԱՀՊԱՆՈՒԹՅԱՆ ՆԱԽԱՐԱՐԸ ՈՉ ՏԵՍԵԼ ՈՉ  ԷԼ ԼՍԵԼ ` ԱՇԽԱԱԿՑԻՆ

ԻՆՉՊԵՍ ԵՆ ՀԱՐՎԱԾԵԼ. ՏԵՍԱՆՅՈՒԹ

ՀՀ բնապահպանության նախարարության բնության հատուկ պահպանվող տարածքների կառավարման բաժնի պետ Արամ Աղասյանի  համոզմամբ  բնապահպանության վիճակը Հայաստանում  համեմատաբար լավ վիճակում է, քան 2000 թվականին: «Իրավունքը» Արամ Աղասյանից հետաքրքրվեց` եթե իրոք  բնապահպանության վիճակը համեմատաբար լավ է, ինչով է պայմանավորված  բնապահպանների  տարբեր առիթներով հնչող  քննադատական հայտարարությունները ոլորտի վատ վիճակի մասին: «Բնապահպանները ավելի լավ է  ամպագոռգոռ հայտարարություններ անելուց առաջ տեսնեն`ինչ է կատարվում, նոր հայտարարություններ անեն: 2 տարի առաջ տեղի ունեցած բեզոարյան այծի որսի պատմությունը  ցավալի է: Ինքս եմ գնացել այդ տարածք և տեսել, որ այդ դեպքը Խոսրովի արգելոցում չի եղել: Եթե կոնկրետ փաստեր կան,  մենք շնորհակալ ենք  բնապահպաններին, որ ժամանակին ահազանգում են մենք էլ գնում ենք»,- պատասխանեց պաշտոնյան:

-Բայց  բնապահպաններն ասում են, որ մեծ մասամբ իրենց խոսքը  տեղ չի հասնում…

-Նման կատեգորիկ սահմանումներ եկեք չանենք: Բազմաթիվ  դեպքեր կարող եմ բերել:
Շիկահողի պետական արգելոցով ժամանակին անցնող միջպետական ճանապարհը, որը սարքվում էր, նույն պետությունը բնապահպանների բարձրացրած աղմուկի շնորհիվ 17 կմ կառուցվող ճանապարհի փոխարեն ընդամենը 3.5  կմ կառուցվեց և անցավ ոչ բնապահպանական մեծ նշանակություն ունեցող տարածքով:

-Պրն Աղասյան, Դուք հայտարարում եք, որ բեզոարյան այծերի թիվը  1500-2000-ից  հասել է 3000 –ի: Ինչպես պետք  է այդ թիվը պահպանել և այնպես անել, որ 2 տարի առաջվա բեզոարյան այծի որսի պատմությունը չկրկնվի:

-Դրա համար ստեղծվում են պահպանվող տարածքներ: Միջանցքների ծրագիրը պետք է  կյանքի կոչվի:

Արամայիս Գրիգորյանի նախարար նշանակվելուց  հետո մամուլը գրեց կադրային ջարդի  մասին`մասնավորապես  լավ մասնագետների մեծ մասին նախարարն աշխատանքից ազատում է:

-Ես դեռ չեմ տեսել, որ որևէ մի լավագույն մասնագետ դուրս մնա: Կադրային ջարդ չի կարող լինել, քանի որ նախարարության աշխատակիցները քաղծառայողներն են: Մեր գործակալությունում դեռևս որևէ մեկն աշխատանքից չի ազատվել:

-Իսկ այլ գործակալություններո՞ւմ:

-Դե որոշակի փոփոխություններ եղել են: Կա աշխատանքային նոր թիմ: Եկել է նոր նախարար, որոշակի պահանջներ է դրված նախարարության առջև: Որոշակի փոփոխություններ են ակնկալվում:

-Իսկ նախարարի հետ կապված այդ հայտնի միջադեպն ինչպես եք գնահատում:

-Միջադեպով կոնկրետ մարդ է եղել, էդ  մարդը զբաղվել է այդ հարցով և այդ հարցը  հարթվել-գնացել է: Իրար հասկացել են, ավարտվել է էդ հարցը, բայց  դա բնապահպանության նախարարի հետ որևէ կապ չունի:

Մանրամասները` տեսանյութում

ՍՈԱՆ ԴԱՎԹՅԱՆ