Աղանդավորների որջ համարվող «Սասունցի Դավիթ» մշակույթի պալատը` հայկական մայդանի սկի՞զբ

Աղանդավորների որջ համարվող «Սասունցի Դավիթ» մշակույթի պալատը`  հայկական

մայդանի սկի՞զբ

Օգոստոսի 2-ին ժամը 17:00-ին «Սասունցի Դավիթ» մշակույթի պալատում «վերածնունդ» եկեղեցին կազմակերպում է աղոթք  տոհմական, ժառանգական, ձեռբերովի անեծքների դեմ:  Քայքայիչ պաշտամունքից տուժածների վերականգնողական կենտրոնի ղեկավար Ալեքսանդր Ամարյանը ֆեյսբուքյան էջում գրել է. «Ուկրաինացիները սկսել են հայկական մայդան աղանդների միջոցով»:

«Իրավունքը» Միացյալ երիտասարդական լիգայի համահիմնադիր Սևակ Հովհաննիսյանից պարզեց, որ վերածնունդ եկեղեցին իրականում կրոնական քայքայիչ գործունեություն ծավալող կառույց է, որը թափանցել է Ուկրաինայից: Նման միջոցառումների միջոցով ըստ Սևակ Հովհաննիսյանի, կրոնական կառույցները գումար են վաստակում:

Ի դեպ, առաջին անգամ չէ, որ «Սասունցի Դավիթ» մշակույթի պալատում  կրոնական կառույցները հավաքույթներ են կազմակերպում:  «Սասունցի Դավիթ» մշակույթի պալատը կոպիտ ասած աղանդավորակա որջ է:

Կոմիտաս վարդապետ Հովհանյանն էլ մեզ  հետ զրույցում ասաց, որ եթե եկեղեցու անունը «Վերածնունդ» է, ապա դա ավանդական եկեղեցու հետ ոչ մի առնչություն չունի:

Ինչ վերաբերում է անեծքների  դեմ կատարվելիք աղոթքին, վարդապետը դա համարեց դատարկություն: «Աղոթք անեծքների դեմ գոյություն չունի. աղոթքն ուղղված է առ աստված: Սա  մարդկանց մտավորն ու զգացմունքային կետերը գրգռելու համար»,- մանրամասնեց հոգևորականը:

Կոմիտաս վարդապետի խոսքով` մեր ժողովուրդը գնում է այդտեղ` շոու դիտելու համար. Եվ որքան շոուն հետաքրքիր է իրենց համար,  օրինակ, կարող են ասել, որ քո կոստյումի աջ անկյունում թուղթ ու գիր կա, մենք հիմա դա կքանդենք դա, դրանից հետո մարդիկ դառնում են այդ կառույցի հետևորդ: Ցավում եմ, որ այսօր մեր հասարակությունն այսպիսի անդեմ կերպարի մեջ է  մտել:

Անդրադառնալով մարդկանց ընկալումներում տարատեսակ առարկաներին թուղթ ու գիր համարելուն`հոգևորականը խորհուրդ տվեց դրանց կարևորություն չտալ. «Ինձ չարից ազատողն իմ հավատքն է: Իսկ  որքան մոտ եմ աստծուն, այդքան հեռու եմ չարից: Որևէ խնդիր մեծանում է այն դեպքում, երբ դուք այն մեծացնում եք: Իմ հավատքը պետք  է զորացնեմ, ոչ թե պետք է գնամ թուղթ ու գիր անողի մոտ, չէ՞որ այդ թուղթ ու գիր անողը ինքն է թուղթ ու գիր անում: Գնում եմ չարի մոտ իմ հարցը լուծե՞մ»:

Փորձեցինք կապ հաստատել նաև Սասունցի դավիթ մշակույթի պալատի հետ սակայն ոչ մի կոնտակտային տվյալ  գտնել չհաջողվեց ավելին` ինչպես մեզ հետ զրույցում ասաց Սևակ Հովհաննիսյանը,  պալատի  տնօրենը հիմնականում տեղում չի լինում, հատկապես եթե լսում է, թե ինչ հարցով են իրեն ցանկանում տեսնել նկատի ունի (կրոնական կառույցների հետ կապված հարցը-խմբ.):

Սոնա Դավթյան