ՀԱՅՈՑ ՑԵՂԱՍՊԱՆՈՒԹՅԱՆ 100_ՐԴ ՏԱՐԵԼԻՑԻՆ ԸՆԴԱՌԱՋ` «ՊԱՏԱՍԽԱՆ`100 ՏԱՐԻ ԱՆՑ»

ՀԱՅՈՑ ՑԵՂԱՍՊԱՆՈՒԹՅԱՆ 100-ՐԴ ՏԱՐԵԼԻՑԻՆ ԸՆԴԱՌԱՋ` «ՊԱՏԱՍԽԱՆ`100 ՏԱՐԻ ԱՆՑ»

Եղիշե  Չարենցի անվան գրականության եւ արվեստի թանգարանը` Հայոց Ցեղասպանության 100-ամյա տարելիցին ընդառաջ, ՀՀ մշակույթի նախարարության աջակցությամբ իրականացնում է «Պատասխան`100 տարի անց» համալիր ծրագիրը: Այն անդրադարձ է 1894-1923 թթ. գրված Հայոց Ցեղասպանությունն փաստող անպատասխան նամակներին ու այլ վկայություններին`դրանց միջոցով անվանի մարդկանց ու հասարակության լայն զանգվածների արձագանքերը հավաքագրելու եւ «Պատասխան`100 տարի անց» պատկերագրքում ամփոփելու նպատակով: Պատկերագիրքը բաղկացած կլինի երեք բաժիններից`Հայոց Ցեղասպանության զոհ դարձած մտավորականների վերջին նամակները եւ դրանց ի պատասխան` մերօրյա հայ եւ օտարազգի գործիչների պատասխան-արձագանքները:  Երկրորդ բաժնում տեղ կգտնի 100 տարվա ընթացքում հայ եւ օտարազգի գործիչների լավագույն անդրադարձները Հայոց Ցեղասպանության փաստերին: Իսկ վերջին` երրորդ բաժինը կհամալրեն   Ցեղասպանության վերաբերյալ տարբեր արխիվներից քաղված 10 վավերապատումները եւ դրանց շուրջ գեղանկարի եւ քանդակի մրցույթի լավագույն ստեղծագործությունները:

Ե.  Չարենցի անվան գրականության եւ արվեստի թանգարանի տնօրեն Կարո Վարդանյանի խոսքով` ծրագիրը իրականացնելու համար համագործակցում են տարբեր անհատների եւ կազմակերպությունների հետ. «Բոլորի առջեւ մեր արխիվները բաց են: Տարվա ընթացքում շատ կլինեն միջոցառումներ հեսցեագրված պատանիներին ու դպրոցականներին, օրինակ լամիտացված քարտերի վրա կպատկերվեն այն մասունքները, որոնք պատկանել են եղեռնամահ մեր գրողներին եւ խաղի միջոցով նրանք կփորձեն հսկայածավալ ցուցադրության մեջ գտնել այդ աշխատանքերը »,-նշեց ԿԱՐՈ ՎԱՐԴԱՆՅԱՆԸ եւ ընդգծեց, որ ծրագրի շրջանակներում պատրաստվում են տպագրել մի շարք փաստաթղթեր, որոնք մինչ այդ անտիպ են եղել: Թանգարանում տեղի կունենա նաեւ առանձին ցուցադրություն:

«Պատասխան`100 տարի անց» ծրագրի համակարգող Հասմիկ Հախվերդյանը անդրադառնալով ծրագրի կարեւորությանը եւ նպատակներին, փաստեց, որ ծրագրի նպատակներից մեկն էլ այն է, որ ներկայացվի մերօրյա տաղանդավոր  երիտասարդ հայ գործիչներին`որպես հայ ազգի վերածնունդ եւ հաղթանակ: «Ծրագրում ներառելով երիտասարդներն նրանց անսահմանափակ ուժով կփորձենք հնարավորինս  կանխել հետագա ցեղասպանությունները: Մեր մոտ պետք է լինի ձգտնումը `գտնելու մեր գենը, որը ունակ է հառնելու մոխիրց եւ շարունակել ստեղծագործել: Պետք է աշխարհին  ապացուցենք, որ թուրքի արարքով մեր գենը չվերացավ, մենք կարող ենք ապրել ու կրկին ստեղծագործել: Մենք կրողն ենք այն մտավորականության, որոնք զոհ գնացին ցեղասպանությանը »,-մեկնաբանեց ՀԱՍՄԻԿ ՀԱԽՎԵՐԴՅԱՆԸ:

Նշենք , որ ծրագրի շրջանակներում` 2014 թվականի օգոստոսի 1-ից մինչեւ 2015 թվականի փետրվարի 1-ը` հայտարարվում է գեղանկարչական աշխատանքների եւ քանդակի մրցույց Հայոց Ցեղասպանության վերաբերյալ տարբեր արխիվներից քաղված 10 վավերապատումների շուրջ: Եթե ցանկացողները ուզում են ստեղծագործել Հայոց Ցեղասպանությունն վերապրած ազգականի վկայած պատմության շուրջ , ապա մասնակցության հայտի հետ  կարող են ներկայացնել  նաեւ վկայությունը`ավարտուն շարադրված եւ ճժգրտ վավերագրված: Մրցույթին կարող են մասնակցել մասնագիտական կրթություն ունեցող   մինչեւ 40 տարեկան ստեղծագործողները:

ԶՎԱՐԹ ԽԱՉԱՏՐՅԱՆ