ՙՔԸԽ ԵՆ՚ ՄԱՄՈՒԼԸ, ՀԱՍԱՐԱԿՈՒԹՅՈՒՆԸ ԵՎ ՏԱՐՈՆ ՄԱՐԳԱՐՅԱՆԸ

ՙՔԸԽ ԵՆ՚ ՄԱՄՈՒԼԸ, ՀԱՍԱՐԱԿՈՒԹՅՈՒՆԸ ԵՎ ՏԱՐՈՆ ՄԱՐԳԱՐՅԱՆԸ

ԱՄՆ Պետդեպարտամենտը հրապարակել է խղճի ու կրոնի ազատության իր զեկույցը, ուր Հայաստանին վերաբերող բաժնում բացի ստանդարտ ջուր ծեծոցիից, ամենամեծ դժգոհությունը հայտնվում է աղանդների նկատմամբ հանրության եւ մամուլի մեծ մասի  անհանդուրժող վերաբերմունքից: Հաջորդ դժգոհությունը, որ քչերն են համաձայնում աղանդավորներին դահլիճներ տրամադրել, իսկ ՙչալաղաջ՚ տեղը հատկացված է` եհովականների տրտունջից, Երեւանի քաղաքապետարանին: Նրանք բողոքում են, որ խնդրել են 3 տեղ հատկացնել պաշտամունքի վայրի համար, սակայն քաղաքապետարանը մերժել է, նշելով, որ բնակելի շենքերի մոտակայքում պաշտամունքի վայրերի կառուցումը կհանգեցնի բնակիչների բողոքների: Դե, հոգեորսության համար ՙչոլում՚ պաշտամունքի վայր կառուցելը եհովականներին ձեռք չի տալիս, ուստի նրանք էլ դատի են տվել քաղաքապետարանին:
Երեւանի քաղաքապետարանի հասցեին հնչեցված մեղադրանքների հետ կապվածª մեզ այդ կառույցի տեղեկատվության եւ հասարակայնության հետ կապերի վարչություն պետ ԱՐԹՈՒՐ ԳԵՎՈՐԳՅԱՆԸ տվեց նման մեկնաբանություն.
- ԱՄՆ Պետդեպի զեկույցի վերոնշյալ հատվածի վերաբերյալ Երեւանի քաղաքապետարանի պաշտոնական պատասխանը շատ հստակ է` բնակեցված տարածքներում պաշտամունքային վայրերի կառուցումը հարեւանների մոտ բողոք է առաջացնում: Անգամ, եթե ոչ թե պաշտամունքային վայրեր կառուցելու դեմ բնակիչների բողոքներ լիներ, այլª գիշերային ակումբների, որոնց թույլ է տրված ժամը 24-ից հետո իրենց աշխատանքները շարունակել, եթե տվյալ հատվածում լինում են քաղաքացիների բողոքներ, ապա անմիջապես թույլտվությունը չեղյալ ենք հայտարարում, եւ այդ հաստատությունը ժամը 24-ից հետո փակվում է: Այսինքն` պետք չէ սա կապել միայն կրոնական հաստատությունների հետ: Ասեմ ավելին` միայն անցած ժամանակահատվածում 30 նման կազմակերպոթյունների արգելվել է ժամը 24-ից հետո գործունեություն իրականացնել: Եթե դա բնակչին անհանգստություն է պատճառում, ուրեմն` վերջ:
- Պարոն Գեւորգյան, ԱՄՆ Պետդեպի այս զեկույցից հետո± էլ քաղաքապետարանը հետեւողական կլինի, որ բնակեցված տարածքներում նման աղանդավորական որջեր չլինեն, թե± տեղի կտա ճնշումներին:
- Ես սա որպես ճնում չէի որակի: Եթե զեկույց են ներկայացնում, կարող են ինչ-որ դիտարկումներ անել: Բայց կրկնում եմ` եթե կա թեկուզ մեկ բնակչի բողոքª որեւէ հաստատության ցանկացած գործունեության տեսակի դեմ, այն մենք հաշվի չառնել չենք կարող: ՀՀ Սահմանադրությամբª առաջինը քաղաքացու իրավունքն է, եւ եթե այդ քաղաքացին բողոք է ներկայացնում, մենք պարտավոր ենք դրան ընթացք տալ:

ՀՐԱՆՏ ՍԱՐԱՖՅԱՆ