ՄԻ ԵՐԻԿԱՄ ՈՒՆԵՑՈՂ ԵՐԵԽԱՅԻ ԸՆՏԱՆԻՔԸ ՓՈՂՈՑՈՒՄ ՀԱՅՏՆՎԵԼՈՒ ՎՏԱՆԳԻ ԱՌԱՋ Է. ՏԵՍԱՆՅՈՒԹ

ՄԻ ԵՐԻԿԱՄ ՈՒՆԵՑՈՂ ԵՐԵԽԱՅԻ ԸՆՏԱՆԻՔԸ ՓՈՂՈՑՈՒՄ ՀԱՅՏՆՎԵԼՈՒ ՎՏԱՆԳԻ ԱՌԱՋ Է.

ՏԵՍԱՆՅՈՒԹ

Երևանի Բաբաջանյան  փողոցի 103 շենքի  22 բնակարանում են բնակվում Սողոմոնյանների ընտանիքը: Ամեն օր, սակայն,  Սողոմոնյանները արթնանում են  այն մտքով, որ մի օր իրենք կարող են հայտնվել փողոցում, որովհետև  տունը  կեղծ առքուվաճառքի պատճառով հայտնվել է գրավի տակ: Ինչպես «Իրավունքի» հետ զրույցում ասաց   բնակարանի սեփականատեր Հովհաննես Սողոմոնյանը, խնդիրը բավական երկար ու  խճճված պատմություն ունի, որտեղ իր ուրույն դերակատարությունն ունի, ինչպես ընտանիքի անդամներն են պնդում, վաստակավոր վաշխառու Նորիկ Տեր-Գրիգորյանը, որն ամեն գնով ցանկանում է տիրանալ բնակարանին: Այս պատմության մասին առավել մանրամասն և հանգամանալից կներկայացնենք հաջորդիվ, իսկ այժմ  խոսենք Սողոմոնյանների հաշմանդամ դստեր` 4 ամյա Անահիտ Սողոմոնյանի առողջական խնդրի մասին: Երեխան հիվանդ է ԴՑՊ-ով (մանկական ուղեղային կաթված), ունի մի երիկամ, ինքնուրույն չի քայլում, չի խոսում, տեսողական խնդիրներ ունի:

Երեխայի մոր` Աստղիկ Բաբախանյանի հավաստմամբ իր դստեր բուժումը բավական թանկ հաճույք է` հատկապես  վերականգնողական բժշկական կուրսերը, որոնք պետք  է երեխան անցնի: Բայց 19.000 դրամ նպաստով  հնարավոր չէ հոգալ այդ ամենը: Թե ինչ է խնդրում  երեխայի մայրը պատկան մարմիններից, դիտեք տեսանյութում:

Հ.Գ.Շնորհակալություն ենք հայտնում «Էխո» հասարակական կազմակերպությանը մեզ աջակցելու համար:

Սոնա Դավթյան