ՀԵՂԻՆԱԿԱՅԻՆ ԻՐԱՎՈՒՆՔՆ ԱՌԱՆՁՆԱՏՆԵՐԻ ՀԵՏ ԿԱՊ ՉՈՒՆԻ

ՀԵՂԻՆԱԿԱՅԻՆ ԻՐԱՎՈՒՆՔՆ
ԱՌԱՆՁՆԱՏՆԵՐԻ ՀԵՏ ԿԱՊ ՉՈՒՆԻ

- Երեւանի թաղամասերից մեկում տասը տարի առաջ գնել եմ առանձնատուն: Այժմ ցանկանում եմ ոչ միայն վերանորոգել, այլեւ հարկ ավելացնել եւ շենքի ֆասադը փոխել: Քաղաքապետարանի աշխատակից ներկայացած անձը տեղեկացրել է, որ առանց շենքի հեղինակ-ճարտարապետի համաձայնության` չեմ կարող շենքի հարկն ավելացնել եւ ֆասադը փոխել: Արդյոք դա այդպես է:
Գառնիկ, ք.Երեւան

Ոչ, այդպես չէ: Համաձայն հեղինակային իրավունքի եւ հարակից իրավունքի մասին ՀՀ օրենքի քսանութերորդ հոդվածի պահանջի. Հեղինակային իրավունքի oբյեկտ հանդիuացող կամ այդպիuի oբյեկտ պարունակող շենքի կամ շինության uեփականատերն առանց հեղինակի թույլտվության` կարող է oրենքով uահմանված կարգով փոփոխություն կատարել շենքի կամ շինության մեջ, վերակառուցել կամ քանդել դա, եթե տվյալ շենքի կամ շինության կառուցման կամ ձեռքբերման պայմանագրով (փաuտաթղթերով) այլ բան նախատեuված չէ (բացառություն են կազմում որպեu պատմամշակութային անշարժ հուշարձան, պետության կամ տեղական ինքնակառավարման մարմինների կողմից uահմանված կարգով պահպանվող համալիրները, շենքերը, շինությունները, քանդակները, զարդաքանդակները, նախշերը եւ որմնանկարները):
Օրենսդիրը, սակայն, իրավունք է վերապահում տվյալ շինության հեղինակին փոփոխությունների ժամանակ ունենալ առաջնահերթ իրավունք` մասնակցելու  փոփոխության հետ կապված աշխատանքներին:
Հարկավոր է իմանալ.
Օրենքի ուժով շինարարական ցանկացած փոփոխություն ենթակա է թուլտվության` լիազոր մարմնի կողմից, առանց որի սեփականատիրոջ կողմից կատարվող շինությունը կարող է ճանաչվել ինքնակամ` բխող բոլոր իրավական հետեւանքներով:

ԼԵՎՈՆ ՍՈԽԱԿԻ ԲԱՂԴԱՍԱՐՅԱՆ
ՙԼեւ գրուպ՚ փաստաբանական գրասենյակի
հիմնադիր նախագահ
www.levgroup.am
Հարցեր կարող եք ուղարկել նաեւ
[email protected] հասցեով