ՙ...ԱՍԵԼ ԷՐ, ՈՐ ԱՌԱՎՈՏՅԱՆ ՀՈԿՏԵՄԲԵՐՅԱՆ Է ԳՆԱԼՈՒ, ԷԴ ԳՆԱԼՆ ԷՐ, ՈՐ ԳՆԱՑ՚

ՙ...ԱՍԵԼ ԷՐ, ՈՐ ԱՌԱՎՈՏՅԱՆ
ՀՈԿՏԵՄԲԵՐՅԱՆ Է ԳՆԱԼՈՒ, ԷԴ ԳՆԱԼՆ ԷՐ, ՈՐ ԳՆԱՑ՚

Ինչպես հայտնում են ՀՀ ոստիկանության լրատվական բաժնից, Գյումրու մանկավարժական համալսարանի ռեկտորի եղբոր` Հարություն Գրիգորյանի սպանության գործով ձերբակալվել է ՀՀ ՊՆ Շիրակի մարզի ռազմական ոստիկանության քրեական հետախուզության բաժնի պետ Արման Կատունյանը: Վերջինս գտնվել է Վրաստանում, սակայն երեկ Հայաստան մուտք գործելուց հետո ներկայացել է իրավապահ մարմիններին: Հիշեցնենք, որ արտաքին զննությամբ դիակի վրա հայտնաբերվել են բռնության հետքեր եւ հրազենային չորս վնասվածք` որովայնի, թիկունքի եւ ձեռքի հատվածներում:
Թե ինչը կարող էր նման դաժան սպանության պատճառ հանդիսանալ, փորձեցինք հետաքրքրվել սպանվածի եղբորից` Գյումրու մանկավարժական համալսարանի ռեկտոր Վարդեւան Գրիգորյանից, ով հուզմունքը հազիվ զսպելով ասաց.
-Երանի չէր` իմանայինք, թե ինչն է ստիպել մեկին սպանել եղբորս: Ոչ ես, ոչ իմ եղբայրը կամ հարազատները թշնամի չենք ունեցել, ես մինչեւ հիմա շոկի մեջ եմ:
- Պարոն Գրիգորյան, Ձեր եղբոր սպանության կասկածանքով արդեն կա ձերբակալված, ճանաչո±ւմ եք ձերբակալվածին, գիտե±ք, թե ինչի համար կարող էր նման բան անել:
- Ես, ճիշտն ասած, չգիտեմ, տեղյակ էլ չեմ` Ձեզանից եմ լսում, որ արդեն կա ձերբակալված: Համապատասխան մարմինները եւս ինձ տեղյակ չեն պահել դրա մասին:
- Ըստ որոշ խոսակցությունների, սպանությունը խանդի հողի վրա է կատարվել, որքանո±վ կարող են այդ խոսակցությունները համապատասխանել իրականությանը:
- Դա աբսուրդի աստիճանի հասնող սուտ է, ի±նչ խանդ, նման բան չի կարող լինել:
- Դեպքի օրը տեսե±լ եք, խոսե±լ եք Ձեր եղբոր հետ:
- Վերջին երեք օրերին հակառակի պես ոչ հանդիպել ենք, ոչ խոսել: Դեպքից մի օր առաջ` երեկոյան, ընտանիքի անդամներին ասել է, որ առավոտյան գործերով Հոկտեմբերյան է գնալու, էդ գնալն էր, որ գնաց: Իսկապես չգիտեմ, թե ինչ կարող էր լինել, չեմ կարողանում շոկից դուրս գալ:
- Խոսում են, որ Ձեր եղբայրը ՌԴ-ում բիզնեսով էր զբաղվում, հնարավոր է, որ իր գործունեության հետ կապված լինի այդ սպանությունը:
- Եղբայրս ոչ մի բիզնես չուներ ՌԴ-ում, դրանք սուտ խոսակցություններ են: Ճիշտ է, նա Մոսկվայում աշխատում էր, բայց ոչ մի բիզնես չուներ: Վերջին երկու ամիսը Հայաստանում էր, ՌԴ սովորական խոպանչու` արտագնա աշխատանքների էր մեկնում: Եղբայրս երբեք բիզնեսով չի զբաղվել, արհեստավոր էր` կաֆել էր շարում:

ԻԼՈՆԱ ԱԶԱՐՅԱՆ