ՙԺԱՌԱՆԳՈՒԹՅՈՒՆ՚, ՙԴՈՒՔ ԱՆՈՒՂՂԵԼԻ ԵՔ՚

ՙԺԱՌԱՆԳՈՒԹՅՈՒՆ՚, ՙԴՈՒՔ ԱՆՈՒՂՂԵԼԻ ԵՔ՚

ՀՀ Կենտրոնական ընտրական հանձնաժողովը հայտարարություն է տարածել, որ ընդունում է 2014 թվականի օգոստոսի 3-ի եւ օգոստոսի 17-ի ՏԻՄ արտահերթ ընտրություններին կուսակցությունների կողմից տեղամասային ընտրական հանձնաժողովների անդամների նշանակման հայտեր: Եվ սա էլ պատճառ է դարձել, որ ՙԺառանգությունում՚ հերթական քաոսը սկսվի: Վերջիններս սոցցանցով մեկ էլի գաղափարակից դիտորդներ ու վստահված անձեր են փնտրում:
Այս մասին իր ֆեյսբուքյան էջում ԱԺ ՙԺառանգություն՚ խմբակցության պատգամավոր ԶԱՐՈՒՀԻ ՓՈՍՏԱՆՋՅԱՆԸ գրել է. ՙՍիրելի° քաղաքացիներ, ընտրական իրավունքի համար պայքարը շարունակվում է: Պարտավոր ենք մասնակցել եւ պահել մեր ձայներն ընտրական հանձնաժողովներում: Դիմում եմ Ձեզ եւ առաջարկում մասնակցել ՀՀ ԿԸՀ-ի կողմից անցկացվող դասընթացներին եւ ստանալ ԿԸՀ որակավորման վկայական՚:
ՙԴուք անուղղելի եք, էլի ընտրություններ՚,- ո°չ, սա մենք չենք ասում, այլ ՙԺառանգությունից՚ հիասթափված գրել է օգտատեր ԱՐԹՈՒՐ ՊՈՂՈՍՅԱՆԸ, ով ըստ իր մեկնաբանությունների, եղել է ՙԺառանգության՚ թիմակիցը: Իսկ մեկ այլ գաղափարակից օգտատեր` ԳԵՂԵՑԻԿ ԵՐԵՄՅԱՆԸ փակել է աչքերն ու բացել բերանը. ՙԻ±նչ իմաստ ունի այլեւս ստանալ ԿԸՀ որակավորման վկայական, երբ ձեր հանձնաժողովները մեծամասամբ ծառայել են ԲՀԿ-ին... Երբ ձեր կուսակցության հանդիպմանը երաժշտական դպրոցում` Նոր Հաճնում ամբողջ քաղաքապետարանի աշխատակիցներն էին մասնակցում եւ հետո հրահանգելով են նշանակում... Թե± դուք էնքան միամիտ եք, որ կարծում եք ԲՀԿ-ն երբեւէ ընդդիմություն է եղել կամ կլինի... Նույնը դաշնակը...՚: Ինչ խոսք, կարծես թե, անգամ ՙՖեյսբուք՚ սոցիալական ցանցում ՙԺառանգությունը՚ չի կարողանում թիմ հավաքել, սա թերեւս նշանակում է, որ այս տարի վաղաժամ կավարտվեն ՙԺառանգություն՚ կուսակցության նախագահ Րաֆֆի Հովհաննիսյանի երեւանյան արձակուրդները, եւ նա շուտով կվերադառնա հայրենի ԱՄՆ` մեկ տարի հետո իր մասին հիշեցնելու ակնկալիքով:

ՀՐԱՆՏ ՍԱՐԱՖՅԱՆ