ԱՐԱՄ ՄԱՆՈՒԿՅԱՆԻ ՏԱՆ ՃԱԿԱՏԱԳԻՐՆ ԱՆՈՐՈՇ Է

ԱՐԱՄ ՄԱՆՈՒԿՅԱՆԻ ՏԱՆ ՃԱԿԱՏԱԳԻՐՆ  ԱՆՈՐՈ՞Շ Է

Երեւան քաղաքում` Արամի 9 հասցեում գտնվող շենքում 1917 -1919 թվականներին ապրել է ՀՀ հասարակական գործիչ Արամ Մանուկյանը: Միայն Խորհրդային Միության փլուզումից հետո տան պատին փակցվեց գրություն`վկայելով, որ այդ տանը ապրել է Ա. Մանուկյանը: Խորհրդային տարիներին տան ճակատագիրը անորոշ վիճակում է եղել, որը շարունակվում է նաեւ այսօր ` տան կտուրը ծածկից զրկված է, կանգնած են միայն չորս պատերը բաց պատուհաններով, ներսում աճել են ծառեր, որոնք հասել են մինչեւ երկրորդ հարկի պատուհաններին: Պատմաբան, «Զորավար» հիմնադրամի հիմնադիր -տնօրեն Տիգրան Պետրոսյանցի խոսքով` 2005 թվականից տունը եւ տան հարակից տարածքը վաճառվել է «Գլենդել Հիլզ» կազմակերպությանը, որը նրա բնորոշմամբ ,ոչ թ բարեգործական հիմնադրամ է, այլ բիզնես կառույց եւ տարածքը գնել է, որպեսզի այդ տան փոխարեն կառուցի բարձրահարկ շենքեր: «Ոչ բարոյական, որ հայրենասիրական, ոչ էլ որեւ այլ սկզբունքի չի կարող այդ կազմակերպությանն ստիպի, որպեսզի նա շենքը չքանդի`փոխարենը վերակառուցի եւ դարձնի թանգարան»,-ընդգծեց ՏԻԳՐԱՆ ՊԵՏՐՈՍՅԱՆՑԸ: Ըստ նրա` 2014 թվականի հունվարին մամուլից տեղեկացել է, որ «Գլենդել Հիլզ»-ը բանավոր պայմանավորվածություն է ձեռք բերել մեկ այլ կազմակերպության հետ, որպեսզի իր գնած տրածքը վերավաճառի: Պատմաբանի տվյալներով, նոր գնորդը մոսկավայաբնակ Սերգեյ Համբարձումյանն է, ով նախկինում հովանավորել է Մատենադարանի նոր շենքի կառուցումը: Տ. Պետրոսյանցը փաստում է`եթե շենքի նոր սեփականատեր դառնա Ս. Համբարձումյանը, գուցե տան ճակատագիրը որոշվի եւ այն վերակառուցվի: «Ցանկացած երկրում կհարգեին եւ կարժեւորեին այն անձնավորությանը ով լուրրջ ներդրում է ունեցել տվյալ երկրի կայացման եւ անկախության համար»,-ավելացրեց Տ. Պետրոսյանը:

Պատմ. գիտ. թեկնածու, «Արամ Մանուկյան» մենագրության հեղինակ Արմեն Ասրյանն էլ անհարժեշտ է համարում, որպեսզի  Արամ Մանուկյանի տունը վերածվի գործչի անունը կրող թանգարանի. «Պետությունը ամրապնդելու համար , հարկավոր է անցյալը եւ մեծերի գործերը արժեւորվեն: Թանգարանը կլինի մի վայր, որտեղ կայցելեն ոչ միայն նրան պատկանող իրերը տեսնելու, այլեւ նրա մասին ֆիլմեր դիտելու »,-նշեց ԱՐՄԵՆ ԱՍՐՅԱՆԸ:

ԶՎԱՐԹ ԽԱՉԱՏՐՅԱՆ