«ՎԱՐԴԱՎԱՌԸ ՍԵՐ Է,ԿՅԱՆՔ…»

«ՎԱՐԴԱՎԱՌԸ  ՍԵՐ Է,ԿՅԱՆՔ…»

Հայ Առաքելական եկեղեցու հինգ տաղավար տոններից մեկը`Վարդավառը կամ Քրիստոսի Պայծառակերպության տոնը այս տարի շնորհիվ Հայաստանի երիտասարդական ակումբների դաշնության , ՀՀ մշակույթի նախարարության , Հայ Առաքելական եկեղեցու , Կոտայքի մարզպետարանի, տեղական եւ միջազգային կազմակերպությունների` նշվեց մեծ շուքով եւ հիմք դրվեց Վարդավառի միջազգային երիտասարդական  փառատոնին: Տոնի խորհուրդն ու բոլոր հին ու նոր ծիսակատարությունները մեկ օրում ներկայացվեց հանրությանը`նպատակ ունենալով վերկանգնել այն գեղեցիկ ավանդույթները, որը կապված է Քրիստոսի Պայծառակերպության հետ: «Վան» ազգագրական համույթի ղեկավար Անդրանիկ Հովհաննիսյանի բնորոշմամբ  Վարդավառը մեծ բերք ու բարիքի խորհրդանիշ է. «Վարդավառը ծնունդ է, սեր ու կյանք: Առանց ջրի հողն ինչ կանի, այդ պատճառով էլ մենք միմյանց վրա պետք է ջուր ցողենք, որպեսզի Նուրի աստվածուին մեզ անձրեւ պարգեւի»,-նշեց ԱՆԴՐԱՆԻԿ ՀՈՎՀԱՆՆԻՍՅԱՆԸ: Նրա խոսքվ` տոնը մեր օրեր է հասել հեթանոսական ժամանակաշրջանից, քանի որ մինչ Քրիստոնեության ընդունումը` 301 թվականը հայերը եղել են հեթանոսներ:  Նա չի ցանկանում մեկնաբանել` տոնը եկեղեցական է  թե՞ ժողովրդական , քանի որ Հայ Առաքելական եկեղեցին տոնը ընդունում է, իսկ ժողովուրդն էլ այն նշում մեծ ուրախությամբ, ուրեմն անհրաժեշտություն չկա տարաբաժանում կատարել`Վարդավառը եւ° ժողովրդական ե°ւ եկեղեցական տոն է: «Վարդավառի տոնը նախկինում ավելի մեծ շուքով էր նշվում, կար մի շրջան, որ Վարդավառը անցկացվում էր առանց որեւէ արարողակարգի, իսկ այսօր մեծ ուրախությամբ կարող եմ ասել, որ տոնը վերկանգնվում է իր ամբողջ խորհուրդներով եւ ծիսակատարություններով: Հույս ունեմ, որ մեր բոլոր հնագույն ծեսերը եւս կվերկանգնվեն եւ նշվեն այսպիսի ոգեւորությամբ»,-մեկնաբանեց Անդրանիկ Հովհաննիսյանը եւ ընդգծեց, որ Առաքելական եկեղեցին եւ մշակույթը պետք է միասնական լինեն, որի դեպքում բոլոր տոնները կնշենք միասին:

ԶՎԱՐԹ ԽԱՉԱՏՐՅԱՆ

ՀԳ.-Շարունակելի...