ՀԱՇՄԱՆԴԱՄ ԱԶԱՏԱՄԱՐՏԻԿԻՑ ՓՈՐՁՈՒՄ ԵՆ ԲՆԱԿԱՐԱՆ ԽԼԵԼ. ՏԵՍԱՆՅՈՒԹ

ՀԱՇՄԱՆԴԱՄ ԱԶԱՏԱՄԱՐՏԻԿԻՑ  ՓՈՐՁՈՒՄ ԵՆ ԲՆԱԿԱՐԱՆ ԽԼԵԼ. ՏԵՍԱՆՅՈՒԹ

Ընթերցողները  կհիշեն, որ օրեր առաջ «Իրավունքն» անդրադարձել էր «Հանս Քրիստիան Կոֆոեդ» բարեգործական հիմնադրամին, որտեղ բնակվում են  մոտ 100 անօթևաններ և որոնց մեջ կան  նաև ազատամարտիկներ (http://www.iravunk.com/index.php?option=com_content&view=article&id=18411:2014-07-24-12-04-04&catid=41:lurer&Itemid=57): Ինչպես և խոստացել էինք, այսօր ներկայացնում ենք ազատամարտիկներից մեկի  կյանքի պատմությունը: Ինչպես եղավ, որ արցախյան ազատամարտի մասնակիցը հայտնվեց կյանքի հատակում:

Սամվել Մելոյանը գերազանց ավարտել է դպրոցը, ընդունվել, ինչպես այն ժամանակ էին ասում  գյուղինստիտուտի մեխանիկայի ֆակուլտետը: Աշխատել  է Կարեն Դեմիրճյանի անվան մարզահամերգային համալիրում: 1990-ականների մութ ու ցուրտ տարիներին ֆինանսական խնդիրների պատճառով շատերին`այդ թվում նաև Սամվելին,  ազատեցին աշխատանքից: Դրանից հետո նա ինքնակամ մեկնեց  Արցախ`մարտի դաշտ: Մոտ մեկ տարի կռվել է արցախյան պատերազմում. «1993-ին Ոսկանի ջոկատում եմ եղել, դրանից հետո ինձ տեղափոխեցին գեներալ Իվանյանի մոտ որպես ականանետորդ: Հետո էլ Դրմբոն, այնտեղից    էլ Օմարի լեռանցք»:

Թշնամու գնդակից Սամվել Մելոյանը դարձավ հաշմանդամ`կորցրեց ոտքերը և վիրավորվեց աջ ձեռքից: Վիրահատությունները, ցավոք, այդպես էլ չօգնեցին. ձեռքն աշխատում է ընդամենը 20 տոկոսով:  Հիվանդանոցում գտնվելիս իմացավ, որ կինը երեխայի հետ հեռացել է տանից` ամուսնուն թողնելով բախտի քմահաճույքին: Սակայն  ճակատագրի հարվածները սրանով չավարտեցին.երեք տարի առաջ` մոր մահից հետո, լսեց, որ քույրերը ցանկանում են իրեն ուղարկել ծերանոց`հայրական տունը  իրենցով անելու նպատակով:

Մանրամասները` տեսանյութում

շարունակելի

Սոնա Դավթյան