«ՀՈՎԻԿ ՍՏՈՒԴԻՈՅԻ» «ՊՐՈԳՐԵՍԸ» ՕՊԵՐԱՅԻ ԲԵՄՈՒՄ
Արխիվ 12-16
«ՀՈՎԻԿ ՍՏՈՒԴԻՈՅԻ» «ՊՐՈԳՐԵՍԸ» ՕՊԵՐԱՅԻ ԲԵՄՈՒՄ
Արդեն ավանդույթի համաձայն, ամեն տարի հուլիսի 28-ին Ռուսատանի եւ եվրոպայի ամենամեծ հայկական ազգային պարի ակադեմիա «Հովիկ ստուդիոն» երեւանյան այցի շրջանակներում հանդես է գալիս մեծ համերգային ծրագրով: Այս անգամ նույնպես ավանդույթը չխախտվեց. Ալ Սպենդիարյանի անվան ազգային ակադեմիական թատրոնի բեմում հուլիսի 28-ի «Պրոգրես» խորագրով համերգային ծրագիրը նվիրված է անսամբլի հիմնադրման գաղափարը կրող Հովհաննես Գասպարյանի ծննդյան օրվան:
«Հովիկ ստուդիո» ազգային պարի ակադեմիայի հիմնադիր եւ գեղարվեստական ղեկավար ԻՇԽԱՆ ԳԱՍՊԱՐՅԱՆՆ «Իրավունքի» հետ զրույցում տեղեկացրեց, որ համերգային ծրագիրն ամբողջությամբ համադրված է նոր պարային համարներով. «Ինձ համար շատ հատկանշական է, որ այդ օրը տեղի ունենա երեւանյան համերգ: Բնականաբար, ինչպես մեր ցանկացած ծրագիր եւ նոր մենահամերգ, անպայման տեղի է ունենում հետաքրքիր ու նոր լուծումներով` համարներով համեմված ծրագիր: Այս անգամ նույնպես կլինեն նոր լուծումներով պարային համարներ, որոնք հաստատ տպավորիչ կլինեն հանդիսատեսի համար: Հիմնականում ունենք դասական, ինչպես նաեւ հայկական ժանրում նորություններ: Ի դեպ, հիշեցնեմ, որ մեր ուղղությունը` ձեռագիրը դասական է եւ այլ ժողովուրդների պարերի ժանրերի համադրություն: Այսինքն` համերգի ժամանակ նորություններ անպայման լինելու են եւ կան մի քանի անակնակալներ, որոնք հայ հանդիսատեսն ականատես կլինի»:
ԼԻԼԻԹ ԵՂԻԱԶԱՐՅԱՆ
1
9379 դիտում
2
2251 դիտում
3
2146 դիտում
4
2069 դիտում
5
1941 դիտում
