«ԵՍ ՍԻՐԵԼ ԳԻՏԵՄ»` ՎՍՏԱՀԵՑՆՈՒՄ ԵՆ ԿԱՐԵՆ ԳՐԻԳՈՐՅԱՆՆ ՈՒ ՎԼԱԴԻՄԻՐ ԲԱՐԽՈՅԱՆԸ

«ԵՍ ՍԻՐԵԼ ԳԻՏԵՄ»` ՎՍՏԱՀԵՑՆՈՒՄ ԵՆ ԿԱՐԵՆ ԳՐԻԳՈՐՅԱՆՆ ՈՒ ՎԼԱԴԻՄԻՐ ԲԱՐԽՈՅԱՆԸ

Երեկ ավարտվեց երգահան ԿԱՐԵՆ ԳՐԻԳՈՐՅԱՆԻ «Ես սիրել գիտեմ» հեղինակած երգի ձայնագրման աշխատանքները: Երգն արդեն պատրաստ է ու հանրությանը ներկայացվում է երգիչ ՎԼԱԴԻՄԻՐ ԲԱՐԽՈՅԱՆԻ կատարմամբ:«Իրավունքի» հետ զրույցում Վլադիմիրն անկեղծացավ, որ «Ես սիրել գիտեմ» https://soundcloud.com/kavingrig/vladimir երգի միջոցով ինքն արտահայտում է իր ապրումները. «Կարենի հետ վաղուց ենք ընկերներ, ուրախ եմ եւ հպարտ, որ ընկերություն եմ անում գրագետ անձնավորության հետ: Բայց, երբեւէ առիթ չի եղել, որ կատարեմ Կարենի երգերից որեւէ մեկը: Կարենի հեղինակած այս երգն ուղղակի իմ հոգու ներկա պահի արտացոլումն է, այն, ինչ զգում եւ վերապրում եմ: Շնորհակալ եմ նրանից, որ երգի միջոցով ինձ հնարավորություն տվեց արտահայտելու իմ ապրումները»:

Երգի հեղինակ  ԿԱՐԵՆ ԳՐԻԳՈՐՅԱՆՆ էլ հավելեց. «Վստահ եմ, որ Վլադն անկեղծ սիրել եւ նվիրվել գիտի: Նրա սիրելու տարբերակն ինձ համար շատ հարազատ է: Պիտի ասեմ, որ շատ հեշտ է աշխատել մի մարդու հետ, ով անկեղծ է, տաղանդավոր եւ պարզապես շատ դրական: Ինչ-որ առումով այս երգը պատասխան է մի շարք անպատասխան հարցերի, որոնք երկար ժամանակ հուզում էին ինձ եւ Վլադի այս հագեվիճակն էլ, փաստորեն, առիթ դարձավ մեր համագործակցության»,- նշեց երգահանն ու խոսելով երգի թեմայի` սիրո մասին հավաստիացրեց. «Ամեն դեպքում, այսուհետ ինձ համար մի բան պարզ է, ես միանշանակ սիրել գիտեմ: Ցավոք, անցավ ժամանակ ե'ւ ես, ե'ւ Վլադը մի բան հասկացանք, որ այդքան սիրելը վտանգավոր է հենց մեզ համար, քանի որ մարդիկ  երբեք չեն գնահատում այն անկեղծ ու գեղեցիկ զգացմունքը, որ տածում ես նրանց նկատմամբ: Շատերի համար սերը խաղ է, պայքար, բայց ոչ այն սուրբ ու անկեղծ զգացմունքը, որ իմաստավորում է մեր անիմաստ ու անգույն կյանքը: Համենայնդեպս, ես սիրել եմ, սիրում եմ ու սիրելու եմ միշտ, առանց դրա անիմաստ է իմ գոյությունը»:

ԼԻԼԻԹ ԵՂԻԱԶԱՐՅԱՆ