ՏԱՍԸ ՕՐՈՒՄ 293 ԱՆՎԱՎԵՐ ՀԱՐԿԱՅԻՆ ՀԱՇԻՎ ՙԳՐԱՆԴ ՔԵՆԴԻԻ՚ ԿՈՂՄԻՑ
Ֆինանսների նախարարության հարկային տեսչությունների կողմից ներկայացված հուլիսի 1-ից 10-ը ընկած ժամանակահատվածում 10.0 մլն դրամից ավելի ընդհանուր արժեքով հարկային հաշիվներ անվավեր ճանաչած հարկ վճարողների ցանկի առաջին հորիզոնականները զբաղեցնում են հետեւյալ ընկերությունները:
ՙԱմադիում՚ ՍՊԸ-ը ¥զբաղվում է ոգելից եւ ոչ ոգելից խմիչքների ներմուծմամբ¤ª 593 անվավեր հարկային հաշիվ, ՙՋերմուկ ինթերնեյշնլ Պեպսի-Կոլա՚ ՍՊԸ-ըª 426, ՙՍԻ ԸՆԴ ԷՖ ՔՈ՚ ՍՊԸ-ըª 351, ՙԳրանդ Քենդի՚ ՍՊԸ-ը 293 անվավեր ճանաչված հարկային հաշիվ եւ այլն: Նշենք, որ տասը օրվա ընթացքում այդքան մեծ թվով հարկային հաշիվների անվավերությունը կարող է խոսել այն մասին, որ կամ այդ ընկերություններն այնքան անուշադիր են, որ այդ աստիճան տեխնիկական սխալներ են թույլ տալիս` հաշիվներ գրելիս, կամ վերը նշված ընկերություններից անվավեր ճանաչված հարկային հաշիվների պատվիրատուները հրաժարվել են վերջիններիս արտադրանքից: Իսկ արտադրանքից հրաժարվում են այն դեպքում, երբ պարզում են, որ այն անորակ է կամ պարզապես չի համապատասխանում իրենց մատնանշած ստանդարտներին: Ուստի, հասկանալու համար, թե ինչով է պայմանավորված նման մեծ թվով անվավեր ճանաչված հարկային հաշիվները, փորձեցինք պարզել նախ ՙԳրանդ Քենդի՚ ՍՊԸ-ի մամուլի պատասխանատու Վահրամ Բրուտյանից, ով, սակայն, պարզապես խուսափեց որեւէ պատասխան տալուց եւ անջատեց հեռախոսը: Փորձեցինք կապ հաստատել նաեւ ՙՋերմուկ ինթերնեյշնլ Պեպսի-Կոլա՚ ՍՊԸ-ի տնօրինության հետ, սակայն մեր հեռախոսազանգերն այդպես էլ անպատասխան մնացին:
1
5388 դիտում
2
2532 դիտում
3
2231 դիտում
4
1975 դիտում
5
1958 դիտում
