ՀԱՆՑԱԳՈՐԾԻ ՎՐԱ ԿՐԱԿԵԼՈՒ ՙԹՈՒՅԼԱՏՐՈՒԹՅՈՒՆ՚

ՀԱՆՑԱԳՈՐԾԻ ՎՐԱ ԿՐԱԿԵԼՈՒ ՙԹՈՒՅԼԱՏՐՈՒԹՅՈՒՆ՚

Մոսկվայի մի բնակիչ ուշ երեկոյան ավազակային հարձակման էր ենթարկվել իր շենքի մոտ: Հարեւաններից մեկը տեսել էր կատարվածը եւ պատշգամբից տրավմատիկ ատրճանակից կրակ էր արձակել ավազակների ուղղությամբ: Այդ միջադեպը քննող իրավապահները հավանական են համարում կրակող հարեւանի նկատմամբ քրեական հետապնդում չիրականացնելը: Օրենքի ծառաների ՙմեծահոգությունից՚, սակայն, լավ հոտ չի գալիս, քանի որ կատարվածի հանգամանքները պարզապես բացառում են հարեւանին պատասխանատվության ենթարկելու հավանականությունը: Այսպես, 25-ամյա տղամարդը դիմադրել էր իր վրա հարձակում գործած զինված 3 սրիկաներին մինչեւ այն պահը, երբ հարձակվողներից մեկը 3 անգամ կրակել էր նրա թիկունքին. ավազակային հարձակման զոհն ուշագնաց ընկել էր գետնին: Դեպքին ականատես հարեւանը իր ատրճանակի կրակոցներով թույլ չէր տվել, որպեսզի չարագործությունը հասցվի ավարտին:
Իրավապահները ՙպարզաբանել՚ էին, որ հանցագործության ավարտը կանխած հարեւանը կպատժվեր, եթե հանցագործների վրա կրակած լիներ ոչ թե տրավմատիկ ատրճանակից, այլ, օրինակ, որսորդական հրացանից...  


ՀԱՆՑԱԳՈՐԾԻ ՎՐԱ ԿՐԱԿԵԼՈՒ ՄԵՆԱՇՆՈՐՀ

Մոսկվայի ոստիկանները կրակոցներ էին արձակել արագ ընթացող մի ավտոմեքենայի ուղղությամբ, որի վարորդը չէր ենթարկվել կանգնելու պահանջին: Օրենքը թույլ է տալիս ՙխափանման՚ նման միջոցներին դիմելը, անկախ այն բանից, թե ինչ պատճառով վարորդը չէր ցանկացել կանգնել:


28 000 ԵՎ 54 000 ՀԱՏ ՙԿԱՅՖ՚

ՌԴ Օրյոլ քաղաքում վերջերս վնասազրծվել էին թմրամիջոց տարածող հանցավոր երկու խումբ:
Խմբերից մեկը կազմված էր Միջին Ասիայի երկու քաղաքացիներից, եւ նրանց մոտ հայտնաբերվել էր հերոինի  28 հազար ՙփողոցային՚ դոզաª 70 միլիոն ռուբլի ընդհանուր արժեքով:
Երկրորդ խմբի անդամների ազգության վերաբերյալ տեղեկություններ չեն ներկայացվել: Դրանք 18 տարեկան երկու աղջնակ էին, որոնք, սակայն, գործում էին ավելի ՙտնավարի՚ եւ կրկնակի մասշտաբներով. նրանցից առգրավվել էր 54 հազար դոզաª 150 միլիոն ռուբլի ընդհանուր արժեքով: Այդ անձանց սպառնում է պատիժª մինչեւ ցմահ ազատազրկում: Սակայն ոչ ոք չի կասկածում, որ նարկոբարոնները այս անգամ եւս պլստացել էին իրավապահների ձեռքերից, եւ որ դա ոչ միայն թերի աշխատանքի հետեւանք է:

Ա. ԱԲԳԱՐՅԱՆ