ԺԱՖ-Ի ՓԱՐԻԶԱՀԱՅԵՐԸ ԵՐԿԱՐ ՎԱԶՈՒՄ ԷԻՆ «ԲԱՐԵԿԱՄՈՒԹՅԱՆ» ԱՎՏՈԲՈՒՍԻ ՀԵՏԵՎԻՑ

ԺԱՖ-Ի ՓԱՐԻԶԱՀԱՅԵՐԸ ԵՐԿԱՐ ՎԱԶՈՒՄ ԷԻՆ «ԲԱՐԵԿԱՄՈՒԹՅԱՆ» ԱՎՏՈԲՈՒՍԻ ՀԵՏԵՎԻՑ

2014 թվականի հունիսի 28-ից հուլիսի 14-ը տեղի ունեցան Վաստակավոր կոլեկտիվ «Հայաստանի պարարվեստի «Բարեկամություն» պետական համույթ»-ի հյուրախաղերը  Ֆրանսիայի երեք քաղաքներում՝ Փարիզ, Լիոն, Մարսել, այնպիսի հեղինակավոր համերգասրահներում, ինչպիսիք են՝ “Casino de Paris”, “Bourse de Travail”,  “Palais de Congres” , այնուհետև նաև, Իսրայելի պետության՝ Թել Ավիվ, Կարմիել, Հայֆե քաղաքներում:

Հյուրախաղերից համույթը վերադարձավ՝ հայրենիք բերելով բազմահազար օտարազգի և սփյուռքահայ արվեստասեր հանրության երկարատև ծափահարություններն ու հիացմունքի ջերմ արձագանքները:

Ֆրանսիայում համույթի հյուրախաղերը կազմակերպել էր` Ֆրանսիայի հայ երտասարդաց միությունը /ԺԱՖ/ -ի գեղարվեստական ղեկավար՝ Պասկալ Շամասյանի հրավերով:

Հուզիչ է եղել համույթի առաջին մուտքը ԺԱՖ-ի կենտրոնական գրասենյակ՝ Մարսել, որտեղ «Բարեկամության» ողջ անձնակազմին դիմավորել են հայկական զուռնա դհոլով, հայկական պարով և մեծ տոնախմբությամբ:

Համույթի անդամներն ու ներկա բոլոր-բոլորը ասում են նաև, որ իրենց հիշողություններում դեռ երկար կմնա այն հուզիչ տեսարանը, երբ Փարիզյան մենահամերգից հետո, ԺԱՖ-ի Փարիզի մասնաճյուղի երիտասարդները  երկար շարունակում էին վազել ավտոբուսի ետևից՝ դրանով կարծես արտահայտելով իրենց մեծ հարգանքը և սրտերում երկար տարիներ թաքցրած հայրենիքի և հայրենակիցների նկատմամբ ունեցած մեծ կարոտը, սերը և հայրենիքից հեռու գտնվելու թախիծը:

«Բարեկամության» անսամբլի ելույթների վերաբերյալ հիացական արձագանքները տեղ են գտել ոչ միայն ֆրանսահայ, այլև Ֆրանսիական մամուլում, այդ թվում՝ “La Marsellaise”,  ՞La Provence”, “France-Armenie”, “Nouvelles de Armenie magazine”  և այլն:

Հիշարժան էր նաև  «Բարեկամություն» համույթի մասնակցությունը «Իսրայելում հայկական մշակութային օրերին» և գրեթե կեսդարյա պատմություն ունեցող հայտնի Կարմիելի միջազգային փառատոնին, որտեղ համույթը վերահաստատեց առաջատարի իր դերը ոչ միայն պարարվեստի բնագավառում, այլ նաև  Հայաստանի ՀանրապԵտության և Իսրայելի պետության միջև միջպետական համագործակցության և դիվանագիտական հարաբերությունների ձևավորմանը զուգահեռ՝ արվեստի լեզվով  նորանոր բարեկամության կամուրջներ  ստեղծելով երկու պետությունների միջև:

ԷԹԵՐԻ ՄԱՄՈՒԼՅԱՆ