Շատերը զարմացան, երբ ԼԵՎՈՆ ՏԵՐ-ՊԵՏՐՈՍՅԱՆԸ...

Շատերը զարմացան, երբ ԼԵՎՈՆ ՏԵՐ-ՊԵՏՐՈՍՅԱՆԸ հանկարծ այս շոգ ու կրակին հանդես եկավ թեեւ փոքրիկ, բայց թունալից ՙբացառիկ՚ հարցազրույցով, ուր շատ ու շատ բաներ գլխիվայր շուռ տվեց, ինչպես նաեւ ԲՀԿ-ին ՙղեկավար ցուցումներ՚ տվեց, թե հանկարծ չենթարկվեք ճնշումների եւ չմասնակցեք սահմանադրական բարեփոխումներին: Ծեր բայղուշի խառնակչությունների վրա վաղուց չենք զարմանում, սակայն մեզ զարմացրեց ՙԺառանգության՚ արդեն նախկին գլխավոր քարտուղար Ստյոպիկ Սաֆարյանի արձագանքը. ՙԻնձ մի փոքր զարմացնում է Տեր-Պետրոսյանի վերլուծությունը, որովհետեւ ապրիլի կեսերից սկսած` ռուսական կողմն էր ցանկանում ներկայացնել, որ ԵՏՄ-ին անդամակցելու հարցում խոչընդոտում է Հայաստանը: Զարմանալի է, որ առաջին նախագահի կարծիքը համընկնում է Ռուսաստանի կարծիքի հետ: Տեր-Պետրոսյանն ուղղակի կրկնում է Ռուսաստանի դիրքորոշումը: Սա Ռուսաստանի հայտնի դիրքորոշումն է՚: Զարմանալիորեն, Ստյոպիկը փորձում է ՙկրկնակի շուստրիություն՚ անել` մի կողմից ԼՏՊ-ի ասածները հանրությանը ներկայացնել` որպես ռուսների դիրքորոշում եւ հակառուսական տրամադրություն ստեղծել, մյուս կողմից` հանրության մոտ տպավորություն ստեղծել, թե ԼՏՊ-ն ՙռուսների մարդն՚ է ու դրանով բարձրացնել ՀԱԿ առաջնորդի վարկանիշը:
Ամբողջ Երեւանը ցնցված է մի քանի օր առաջ կատարված քստմնելի ոճրագործությամբ, որի մանրամասները նոր ի հայտ եկան: Պարզվում է, որ ինչ-որ գիշերային ակումբի պահնորդ Գեւորգ Սարգսյան` ՋՈՒՆԳԼ մականունով, իր ազգականներ Սարգսի եւ Վիկտորի եւ հոր` Բաբկենի հետ միասին` ծեծելով սպանել են 55-ամյա ազատամարտիկ Վարդան Թումանյանին այն պատճառով, որ վերջինս բակում մի փոքր կենցաղային վեճ է ունեցել Բաբկենի հետ: Ապշել կարելի է, թե ինչպես տարատեսակ մականունավոր թափթփուկներ ոչ միայն իրենց համարում են բացարձակ անպատժելի, այլեւ ամբողջովին կորցրել են ոչ միայն հայի, այլ նաեւ մարդու կերպարը: Ինչեւէ, դա ցցուն օրինակ է, թե ինչպիսի ցինիզմով բացարձակ չմարդը սպանում է բազում արժանիքներ ունեցող մարդու, այն էլ` կնոջ եւ դստեր ներկայությամբ, եւ մի բան էլ առերեսման ժամանակ հոխորտում է` սպառնալով վնաս հասցնել երեխաներին: Ինչեւէ, զարմանալով հանդերձ, մնում է հուսալ, որ այդ թափթփուկները կպատժվեն օրենքի ողջ խստությամբ, այլապես մայրաքաղաքում անխուսափելի է այն մտայնության արմատավորումը, որ պետք չէ հույս դնել իրավապահների վրա ու արդարադատությունը պետք է սեփական ձեռքով հաստատել:
Այսօր ԱՄՆ նախագահ ԲԱՐԱՔ ՕԲԱՄԱՆ երկու հրամանագիր կստորագրի պետական համակարգում աշխատող համասեռամոլների խտրականությունն արգելելու վերաբերյալ: Պարզվում է, որ այդ տարօրինակ հրամանագիրը շոշափելու է 24 հազար ընկերություններ, ուր աշխատում են 28 մլն մարդ: Նախորդ նախագահները տասնամյակներ առաջ ստորագրել էին հրամանագրեր, որոնցով արգելվում է խտրականությունն ըստ ռասսայի, հավատքի, սեռի, ազգության, տարիքի եւ հաշմանդամության, հիմա էլ Օբաման զարմանալիորեն դրանցում լրացում է կատարում` ավելացնելով տարատեսակ գենդերային թափթփուկների: Թե ինչ է նա անում Ամերիկայում` գլուխը քարը, սակայն զարմանալիորեն նրա դեսպանը Հայաստանում իրեն թույլ է տալիս ամեն կերպ խրախուսել գենդերային այլանդակության պաշտպանությամբ զբաղվող կառույցներին եւ անձանց, նրանց հրապարակավ պարգեւատրելով: Զարմանալով հանդերձ, մնում է ամերիկացիներին ասել` ձեր սեփական տանն ինչքան ուզում եք կեղտոտեք, սակայն ձեր աղբը հեռու պահեք մեր երկրից, որն իր պատմության ընթացքում տասնյակներով Ամերիկայի պես հզոր տերությունների է մարսել:  

Զարմացած է
ՀՈՎՀԱՆՆԵՍ ԳԱԼԱՋՅԱՆԸ