ՄԻ ԿՐԱԿՈՑՈՎ ԵՐԿՈՒ ՆԱՊԱՍՏԱ՞Կ. ՈՒՄ ԷՐ ՁԵՌՆՏՈՒ ԼԵՎՈՆ ՀԱՅՐԱՊԵՏՅԱՆԻ ՁԵՐԲԱԿԱԼՈՒԹՅՈՒՆԸ ՏԵՍԱՆՅՈՒԹ

ՄԻ ԿՐԱԿՈՑՈՎ ԵՐԿՈՒ ՆԱՊԱՍՏԱ՞Կ. ՈՒՄ ԷՐ ՁԵՌՆՏՈՒ ԼԵՎՈՆ ՀԱՅՐԱՊԵՏՅԱՆԻ ՁԵՐԲԱԿԱԼՈՒԹՅՈՒՆԸ ՏԵՍԱՆՅՈՒԹ

Ինչպես արդեն տեղեկացրել ենք,   ռուսաստանաբնակ գործարար լևոն Հայրապետյանի ձերբակալության հավանական վարկածն այն է, որ այս ամենը Ադրբեջանի ձեռքի գործն է: «Իրավունքի» թղթակիցն այսօր  Արցախի հերոս, գեներալ-մայոր  Արկադի Տեր-Թադևոսյանից ու պաշտպանության նախկին փոխնախարար Վահան Շիրխանյանից հետաքրքրվեց`մամուլում տեղ գտած այն հրապարակումներում առաջ քաշած այն վարկածները, թե դրանք որքանով են իրատեսական` մասնավորապես այս ձերբակալությունը իշխանությունների սրտով է, քանի որ գործարարը երկու տարի առաջ քննադատել էր  իշխանություններին երկրում տիրող  խնդիրների համար: Իսկ ըստ մյուս  վարկածի`գործարարի ձերբակալումը Մոսկվայի պատասխանն է վերջերս Սերժ Սարգսյանի հնչեցրած այն հայտարարությանը, թե Ռուսաստանի`Ադրբեջանին զենք վաճառելը մտահոգում է հայ ժողովրդին:

Մանր բաներ են`այսպես արձագանքեց Վահան Շիրխանյանը: Արկադի Տեր-Թադևոսյանն էլ ասաց, որ Լևոն Հայրապետանը ցանկանում էր օգնել նաև ադրբեջանցիներին`ազատվելու մենիշխանական համակարգից: «Ադրբեջանի իշխանությունները շատ լավ հասկանում են, որ   մի քանի տարի անց կորցնելու են իրենց իշխանությունը»,- ասաց գեներալ-մայորը:

Լրագրողների հետ հանդիպման ժամանակ  հնարավոր եղավ հեռախոսով կապ հաստատել Լևոն Հայրապետյանի մտերիմ բարեկամ Արթուր Սաֆարյանի հետ: Վերջինիս խոսքով` հազիվ թե փոխեն գործարարի խափանման միջոցը և նրան տնային կալանք տան, չնայած արվում է ամեն ինչ: Սաֆարյանի խոսքով`գործարարի առողջական վիճակը լավ չէ: Լևոն Հայրապետյանը այժմ գտնվում է «Մատրոսկայա տիշինա» բերդի երրորդ հարկում:

Ինչ վերաբերում է ձերբակալման դրդապատճառներին, ըստ Սաֆարյանի, այն և տնտեսական է, և քաղաքական. «Ռուսական կողմը փորձում է մի կրակոցով երկու նապաստակ որսալ` Ադրբեջանին հաճոյանալ, և  բաժնետոմսերի խնդիրներ լուծել»:

Հիշեցնենք, որ խոսքը վերաբերում է «Բաշնեֆտ» ընկերության արժեթղթերի վաճառքին, որի ժամանակ տեղի են ունեցել մեքենայություններ: Մեղադրող կողմը  կասկածներ ունի, որ Հայրապետյանն այդ գործում որպես միջնորդ է հանդես եկել:

Սաֆարյանի փոխանցմամբ   ՌԴ օրենսգրքի համաձայն` իրավունք չունեն կալանավորել Հայրապետյանին, քանի որ նա ունի առողջական  խնդիրներ:

Բանախոսները վստահ են, որ ՀՀ իշխանությունները կանեն ամեն ինչ`աջակցելու մեր հայրենակցին: Ազատամարտիկ Արթուր Ալեքսանյանը, օրինակ, տեղեկություններ ունի այն մասին, որ Արցախի մի շարք բարձրաստիճան պաշտոնյաներ` ընդհուպ մինչև  ԼՂ նախագահ Բակո Սահակյանի նախաձեռնությամբ զբաղված են Հայրապետյանին աջակցելով:

Մանրամասները` տեսանյութում

Սոնա Դավթյան