ԵՎՐՈՊԱՅԻ ԽՈՐՀՈՒՐԴՆ ԱՐԴԵՆ ՀԱՅԱՍՏԱՆԻ ՀԱՄԱՅՆՔՆԵՐ Է ՀԱՍԵ՞Լ ՏԵՍԱՆՅՈՒԹ

ԵՎՐՈՊԱՅԻ ԽՈՐՀՈՒՐԴՆ  ԱՐԴԵՆ ՀԱՅԱՍՏԱՆԻ ՀԱՄԱՅՆՔՆԵՐ Է ՀԱՍԵ՞Լ ՏԵՍԱՆՅՈՒԹ

Ինչպես արդեն  տեղեկացրել ենք,  Հայաստանի համայնքների միության նախագահ Էմին Երիցյանը առաջարկում է մի շարք փոփոխություններ  կատարել ՀՀ ընտրական օրենսգրքում: Փոփոխությունները վերաբերում  են ՏԻՄ գործունեությանը: Հետաքրքիրն այն է, որ պրն Երիցյանը մի քանի անգամ իր խոսքում օգտագործեց «Եվրոպայի խորհուրդ» բառակապակցությունը, իսկ ավելի կոնկրետ` առաջարկներից մեկը վերաբերում է ՏԻՄ-ի մեկ միասնական  օր սահմանելուն` հրաժարվելով «փնջային» ընտրությունների ձևից: Եվրոպայի խորհրդի հանձնարարականների հիման վրա  մի քանի տարի առաջ  փոփոխություններ մտցվեցին, և ներկայումս  տեղական  ինքնակառավարման մարմնի ընտրությունները  տեղի են ունենում տարվա մեջ սահմանված որոշակի օրերի: Անհրաժեշտ է մեկ քայլ ևս առաջ գնալ և սահմանել ՏԻՄ ընտրությունների  մեկ միասնական օր ամբողջ Հայաստանի համար:

«Իրավունքը» Է. Երիցյանից  պարզեց` փաստորեն ՏԻՄ-ի գործունեությունը հստակեցնելը պարտադրված է դրսից, ոչ թե  մեր համայնքների պահանջն է: Ասել է թե` ԵԽ-ն  խառնվում է մեր երկրի ներքին գործերին: «Եվրոպայի խորհրդի բոլոր անդամ երկրներում ընտրությունների արդյունքների դիտարկմամբ կատարվում է տեղական ժողովրդավարության ստուգում: Այդ փաստաթղթերը մշակվում են համատեղ, այսինքն`ՀՀ կառավարությունն աշխատում է Եվրոպայի խորհրդի փորձագետների հետ»,- պատասխանեց Երիցյանը:

Ինչ վերաբերում է համայնքների խոշորացման ծրագրին,դրան Երիցյանը դեմ է. «Ինքնակառավարման իրավունքը բնակավայրային է: Երբ մի քանի բնակավայր միավորվում է մեկ համայնքի մեջ, դա չի  նշանակում, թե  լուծվում են այդ բնակավայրերի խնդիրները: Երկրորդ` հավասար իրավունքների և համայնքների կառավարմանը մասնակցելու առումով ստեղծում ենք  խոչընդոտներ»:

Մանրամասները` տեսանյութում

Սոնա Դավթյան