«ԱՆՁԻ ՁԵՐԲԱԿԱԼՄԱՄԲ ՉԻ ԿԱՐԵԼԻ ՊԱՅՄԱՆԱՎՈՐԵԼ ՀԱՅ-ՌՈՒՍԱԿԱՆ ՀԱՐԱԲԵՐՈՒԹՅՈՒՆՆԵՐԸ»

«ԱՆՁԻ ՁԵՐԲԱԿԱԼՄԱՄԲ ՉԻ ԿԱՐԵԼԻ ՊԱՅՄԱՆԱՎՈՐԵԼ ՀԱՅ-ՌՈՒՍԱԿԱՆ

ՀԱՐԱԲԵՐՈՒԹՅՈՒՆՆԵՐԸ»

Հայաստանում այս պահին քաղաքական անդորր է, բոլորը արձակուրդ են գնացել, որպեսզի ուժերը հավաքեն, որպեսզի աշնանը աշխուժացնեն քաղաքական կյանքը",- մեզ հետ զրույցում անրադառնալով ներկայիս ներքաղաքական անցուդարձին ասաց ԱԺ ՀՀԿ խմբակցության պատգամավոր Համլետ Հարությունյանը:

Ապա անրադառնալով իր վաղեմի բարեկամ, ռուսատանաբնակ հայ գործարար Լեւոն Հայրապետյանի ձերբակալմանը, եւ այն խոսակցություններին, որ գործարարի ձերբակալությունը անմիջապես առնչվում ռուս-հայկական հարաբերությունների հետ, պարոն Հարությունյանը ասաց.

- Շատ տխուր երեւույթ է, որ ձերբակալել են Լեւոն Հայրապետյանին, ով մեծ բարերար է, հայ եւ ռուս ժողովուրդների բարեկամության մեծ ջատագով: Բայց եւ այնպես չեմ կարծում, որ անձի ձերբակալումով, կամ անձի վերաբերյալ Ռուսաստանի իշխանությունների վերաբերմունքով է պայմանավորված հայ-ռուսական հարաբերությունները ընդհանրապես: Այնպես, որ Լեւոն Հայրապետյանի ձերբակալությունը կապել հայ-ռուսական միջպետական հարաբերությունների հետ, ճիշտ չէ, եւ վաղաժամ է նրա մասին տարբեր խոսակցություններ տարածել:

Անրադառնալով Լեւոն Հայրապետյանի գործունեությանը պատգամավորը նշեց.

- Լեւոն Հայրապետյանը մեծ հայրենասեր է, ճիշտ է նա արմատներով Ղարաբաղից էր, սակայն այնտեղ չի ծնվել, նա Երեւանում է ծնվել ու մեծացել, բայց արմատներով կապված էր իր հայրենիքի հետ: Նա բացառիկ ծառայություններ ունի մատուցած Հայաստանին եւ պատերազմի ժամանակ, եւ դրանից հետո, եւ որպես բարեգործ: Լեւոնը բավական լայն կապեր ունի ոչ միայն Ռուսաստանում, այլ նաեւ արտասահմանյան շատ երկրներում ԱՄՆ-ում, Ֆրանսիայում, Գերմանիայում եւ այլ վայրերում: Նա շատ զարգացած ու ինտելեկտուալ անձ է, ես շատ զարմացած եմ, որ նրա անունը կապում են ինչ-որ կրիմինալ մարդկանց հետ: Կարծում եմ, սա ինչ-որ մեկի կողմից պատվեր է Լեւոն Հայրապետյանի դեմ: Որքանով, որ ես նրան ճանաչում եմ, հստակ կարող եմ ասել, որ դա թյուրիմացություն է, ես այս ամենին չեմ հավատում: Նա մեծ լոբբիստ էր, ինչպես բոլոր հայերը, սակայն նա առավել աչքի ընկնող էր ու կարծում եմ, որ այս պատմության մեջ ինչ-որ բան այնպես չէ: Նման բաները գաղտնի չեն մնում. ամեն ինչ շուտով պարզ կլինի` եւ պատվիրատուները, եւ պատվիրատուի նպատակները: Ասեմ, որ Լեւոնը հաճախ էր այցելում իր հայրենի գյուղ` Վանք, անգամ վերջերս, որոշել էր, որ պետք է տեղափողվի եւ բնակություն հաստատի այստեղ` Վանքում:

Թեմայի շարունակությունը վաղվա «Իրավունքի» տպագիր համարում

ԻԼՈՆԱ ԱԶԱՐՅԱՆ