«Ես Արթուր Եզեկյանին չեմ ճանաչում, ճանաչելու ցանկություն էլ չունեմ». Հայկ Բաբուխանյան
Արխիվ 12-16
http://www.slaq.am/arm/news/208589/ Նյութի աղբյուրը Slaq.am լրատվականի
Կիրակնօրյա «Շանթի» «Հորիզոն» լրատվականը գրեթե ամբողջությամբ նվիրված էր «Իրավունք» թերթին, որն ըստ «Շանթի» , Հայկ Բաբուխանյանի հովանավորությամբ, ընկել է Արթուր Եզեկյանի հետեւից եւ հալածում է վերջինիս օրն ի բուն: Slaq.am-ի հետ զրույցում ՍԻՄ կուսակցության նախագահ Հայկ Բաբուխանյանը նշեց, որ տեսել է «Շանթի» թողարկումը. «Այո՛, տեսել եմ, ինչ որ բազմասերիանոց ֆիլմ էին նկարել»,-ասաց նա: Անդրադառնալով իր և Արթուր Եզեկյանի հարաբերություններին՝ Հայկ Բաբուխանյանը նշեց. «Ես Արթուր Եզեկյանին չեմ ճանաչում, ճանաչելու ցանկություն էլ չունեմ, որևէ հարաբերություն իր հետ չեմ ունեցել և չունեմ»:
ՍԻՄ կուսակցության նախագահը նշեց նաև, որ նա չի հովանավորում «Իրավունք» թերթին. «Ես «Իրավունք» թերթի խմբագրական խորհրդի նախագահն եմ և սեփականատերերից մեկը: Հովանավորելը ուրիշ հասկացություն է»:
Հայկ Բաբուխանյանից հետաքրքրվեցինք նաև, թե արդյոք տեսել է «Շանթի» «Քաղաքում» սերիալը, որում, ըստ շրջանառվող լուրերի, կա նաև Հայկ Բաբուխանյանի կերպարը:
«Ես ընդհանրապես սերիալներ չեմ նայում, հատկապես «Շանթի» հեռուստաընկերության տափակ և վնասակար հեռուստասերիալները, դրա համար որևէ բան ասել չեմ կարող»,-պատասխանեց նա:
1
5374 դիտում
2
2532 դիտում
3
2231 դիտում
4
1975 դիտում
5
1958 դիտում
