ԱՐԴԱՐԱԴԱՏՈՒԹՅԱՆ ՆԱԽԿԻՆ ՓՈԽՆԱԽԱՐԱՐԸ` ԱՂԱՆԴԱՎՈՐԱԿԱՆ ԿԱՌՈՒՅՑԻ ՇԱՀԵՐԻ ՊԱՇՏՊԱՆ

ԱՐԴԱՐԱԴԱՏՈՒԹՅԱՆ ՆԱԽԿԻՆ ՓՈԽՆԱԽԱՐԱՐԸ` ԱՂԱՆԴԱՎՈՐԱԿԱՆ ԿԱՌՈՒՅՑԻ ՇԱՀԵՐԻ ՊԱՇՏՊԱՆ

Երեկ Արաբկիր եւ Քանաքեռ-Զեյթուն վարչական շրջանների ընդհանուր իրավասության դատարանում շարունակվում էր քննվել Հայ ավետարանական եկեղեցու նախկին հովիվ, ԱՐՄԵՆ ՄԻՔԱՅԵԼՅԱՆԻ հայցն ընդդեմ հայասատանյան Ավետարանչական ընկերակցության: Դատական նիստում հայցվոր կողմը` վերապատվելի Արմեն Միքայելյանը, հիմնական շեշտադրումը կատարեց այն ներքին որոշման վրա, ըստ որի` Արագածոտնի մարզում գործող Ավետարանչական ընկերակցության գրասենյակը (որի պատասխանատուն եղել է Միքայելյանը) արդյունավետ չի աշխատել, որի պատճառով էլ դադարեցվել է դրա ֆինանսավորումը: Ա.Միքայելյանը պահանջեց պատասխանող կողմից մանրամասնել` ինչ ասել է` գրասենյակի անարդյունավետ աշխատանք, որտե±ղ է երեւում այդ անարդյունավետությունը: Պատասխանող կողմի փաստաբանները, հղում անելով աշխատանքային օրենսգրքի համապատասխան դրույթները` ասացին, որ գործատուն պարտավոր չէ նման մանրամասներով հանդես գալ:
Արմեն Միքայելյանի բարձրացրած մյուս խնդիրը վերաբերում էր իրեն հովվի կոչումից կարգալույծ անելուն: Կարգալույծ անելու որոշման մեջ նշվում է` հովիվը գաղտնապահության ուխտն է դրժել, միտումնավոր տարածել է ապատեղեկատվություն եկեղեցու հասցեին: ՙԵս չեմ հասկանում` ինչ ուխտ դրժելու մասին է խոսքը, ես ինչ է` երդո±ւմ եմ տվել, պրիսյա±գ եմ ընդունել, որ ինչ-որ բան դրժեմ կամ չդրժեմ՚,- վրդովված ասաց Միքայելյանը:
Դատական այս գործընթացում հետաքրքիրն այն է, որ պատասխանող կողմի շահերը պաշտպանող փաստաբաններից երկուսին այսօրվա դատական նիստում ավելացավ եւս մեկը: Որքան էլ զարմանալի թվա, երրորդ փաստաբանը արդարադատության նախկին փոխնախարար, ներկայումս ՙԿոնցեռն Դիալոգ՚ փաստաբանական ընկերության տնօրենի տեղակալ, իրավաբանական գիտությունների թեկնածու ԱՐԱՄ ՕՐԲԵԼՅԱՆՆ է: ՙԻրավունքի՚ հարցին` ինչու է Օրբելյանը պաշտպանում Հայ ավետարանական եկեղեցու շահերը, երբ եղել են հրապարակումներ այն մասին, որ Ավետարանական եկեղեցին հոգեորսությամբ է զբաղվում` դրանով իսկ կրոնական կառույցից վերածվելով աղանդավորական կազմակերպության, լսեցինք հետեւյալ պատասխանը. ՙԵկեք, ես այդ հարցին չպատասխանեմ: Փաստաբանը գործեր ընտրելիս` որեւէ դիսկրիմինացիա` կրոնական հավատի հարցերով, իրավունք չունի իրականացնել: Գործի ավարտից հետո խնդրեմ, քննարկենք ցանկացած հարց՚:
Եթե նման պատասխան հնչեցներ նախկինում արդարադատության փոխնախարարի պաշտոնը չզբաղեցնող մեկը, գուցե գնահատական չտայինք, բայց քանի որ Օրբելյանը զբաղեցրել է այդ պաշտոնը, ապա այդքան էլ պատահական չէ նման պատասխանը: Դեռեւս փոխնախարարի պաշտոնին եղած ժամանակ Օրբելյանը լրատվամիջոցներից մեկի այն հարցին` արդյոք Միացյալ երիտասարդական լիգայի հայտարարությունը, թե շատ աղանդավորներ աշխատում են Արդարադատության նախարարությունում ու Քաղաքացիական ակտերի գրանցման գործակալությունում, իրականությանը համապատասխանո±ւմ է, Ա. Օրբելյանն ասել էր. ՙՆախարարությունը չի պատրաստվում պարզել իր աշխատակիցների կրոնական պատկանելությունը՚: Փաստորեն, ժամանակը ցույց տվեց, որ լավ հաշվարկված եւ ՙհեռանկարային՚ պատասխան էր, պրն Օրբելյան: Վառ ապացույցը Ձեր այսօրվա գործունեությունն է…

ՍՈՆԱ ԴԱՎԹՅԱՆ