ՈՐՈՆՔ ԵՆ ԱԴՐԲԵՋԱՆԱԿԱՆ ԴԻՎԵՐՍԻԱՆԵՐԻ ՊԱՏՃԱՌՆԵՐԸ

ՈՐՈՆՔ ԵՆ ԱԴՐԲԵՋԱՆԱԿԱՆ ԴԻՎԵՐՍԻԱՆԵՐԻ
ՊԱՏՃԱՌՆԵՐԸ

Օրեր առաջ ԼՂՀ Քարվաճառի շրջան ադրբեջանական  դիվերսիոն խմբի ներթափանցման պատմությունը հերթական անգամ վեր հանեցին մի շարք կարեւորագույն հարցեր: Սկսած, թե ինչպես են ադրբեջանցի դիվերսանտներին հաջողվում խորանալ մեր տարածքում, ինչ լրացուցիչ անվտանգության միջոցառումներ են պետք, վերջացրած նրանով, թե պետք չէ± արդյոք զենք կրելու թույլտվություն ունենան ազատագրված տարածքի բնակիչները: Սակայն մեկ հարցադրում այս ամենի մեջ ցցուն է. ո±րն է հաճախակի դարձած այս դիվերսիաների նպատակը: Առավել եւս, որ այս հարցադրման առնչությամբ մեր մի շարք զրուցակիցները եւս նկատեցին, որ Ադրբեջանի նման գործողությունները Հայաստանի համար նորություն չեն:
Քաղաքագետ ԼԵՎՈՆ ՇԻՐԻՆՅԱՆԸ փաստեց.
- Այդ ամենն իրենից լուրջ բան չի ներկայացնում: Բայց որ ադրբեջանական կողմը օր օրի խախտումներ է անում սահմանամերձ գոտում եւ լարում իրավիճակը, անկասկած է: Ադրբեջանի գլխավոր նպատակն այն է, որ ցանկանում է ժողովրդին դրդել արտագաղթի, եւ սահմանային շրջանները դատարկվեն: Պետք է Հայաստանը սկսի լայնամասշաբ վերափոխումներ, արդարության եւ արդարադատության համար պայքար, անշուշտ նաեւ սահմանամերձ գյուղում ադրբեջանական կողմին համապատասխան հարված:
ԼՂ նախագահ Բակո Սահակյանի մամուլի խոսնակ ԴԱՎԻԹ ԲԱԲԱՅԱՆԸ նշեց.
- Բոլորի համար պետք է պարզ լինի, որ Ադրբեջանը ահաբեկչական եւ դիվերսիոն պետություն է, որով էլ ցույց է տալիս իր իրական դեմքը: ՀՀ քաղաքացի Խոջոյանին, ով Ադրբեջանում գերի էր ընկել, ինչ-որ թույն էին, եւ նա գերությունից վերադառնալուց հետո մահացավ: Ահա այդ մարդկանց իրական դեմքը, չնայած նրանց արդեն մարդ էլ չի կարելի կոչել: Պետք է ասեմ, որ Ադրբեջանը նման դիվերսիաներ եւ ահաբեկչություն  է իրականացնում  նաեւ սեփական  բնակիչների նկատմամբ, եւ այդ իրավիճակը ներթափանցում է նաեւ սահմանային գոտի: Իհարկեª այստեղ նպատակն այլ է. ցանկանում է իր ՙհզորությունը՚ ցույց տալ, որն իրականում չունի:
ՀՀ պատգամավոր ԼԵՌՆԻԿ ԱԼԵՔՍԱՆՅԱՆՆ էլ ավելացրեց.
- Գուցե, վերջին դիվերսիոն խմբի գործողությունները մի քիչ ավելի հնչեղ բնույթ ստացան, սակայն պետք է ասեմ, որ նման դեպքեր միշտ էլ եղել են: Ադրբեջանն այդ ամենով ուզում է որոշակի բաներ ցույց տալ միջազգային հանրությանը: Այսօր մեր հարեւանը
միջազգային հանրությանը ցույց է տալիս իր կոշտ պահանջները եւ, կոպիտ ասաց, ցանկանում է ասել` լուծեք այս հարցը, թե չէ` ես պատրաստ եմ այն լուծել պատերազմով: Շատերը ասում են, որ նա պատրաստվում է պատերազմի, սակայն ես հավատացնում եմ, որ Ադրբեջանի այս գործողությունները միայն ցուցադրական փաստեր են` ուղղված միջազգային հանրությանը:


Z-S սոցհարցման կենտրոնը Երեւան քաղաքում 100 հոգու շրջանում անցկացրել է սոցհարցում` պարզելու համար` ինչ է ցանկանում ասել Ադրբեջանը` հրադադարի ռեժիմը հաճախակի խախտելով.
1. Այս ամենն ընդամենը ուժի ցուցադրություն է, եւ մտահոգվել պետք չէ- 43%:
2. Սրանք բանակցային գործընթացում Հայաստանին զիջումներ պարտադրելու փորձեր են: Հիմա խոսվում է նախագահների նոր հանդիպման մասին, եւ Ադրբեջանն էլ ակտիվացել է- 27%:
3. Այս լարվածությանը Ադրբեջանին պարտադրում են գնալª կապված Եվրասիական միությանը Հայաստանի անդամակցության գործընթացի հետ- 24%:
4. Ադրբեջանը պատրաստվում է պատերազմի եւ այս կերպ հայկական պաշտպանությունն է ստուգում-  6%:

ԶՎԱՐԹ ԽԱՉԱՏՐՅԱՆ