ՀԱՅ ԱՎԵՏԱՐԱՆԱԿԱՆ ԵԿԵՂԵՑՈՒՄ ՇԱՀԵՐԻ ԲԱԽՈՒՄ ԿԱ. ՏԵՍԱՆՅՈՒԹ

ՀԱՅ ԱՎԵՏԱՐԱՆԱԿԱՆ ԵԿԵՂԵՑՈՒՄ ՇԱՀԵՐԻ ԲԱԽՈՒՄ ԿԱ. ՏԵՍԱՆՅՈՒԹ

Հայ ավետարանական եկեղեցու նախկին հովիվ, վերապատմելի Արմեն Միքայելյանի դատական գործընթացն ընդդեմ հայաստանյան ավետարանչական  միության շարունակվում է: «Իրավունքի» հետ զրույցում կարգալույծ արված հովիվն ասաց, որ իրենք  պայքարում են հանուն ճշմարտության:  «Հավանաբար ավետարանական եկեղեցու ղեկավարությունը չուզեց լսել ճշմարտությունը, քանի որ ամեն մարդ իր շահն ունի, եկեղեցում շահերի բախում կա»,- մանրամասնեց Ա. Միքայելյանը:

Կարգալույծ արված հովիվը պահանջում է չեղյալ համարել իրեն կարգալույծ անելու որոշումը, ետ ընդունել աշխատանքից ազատված մոտ 15  աշխատակցի:

Որքան էլ զարմանալի թվա, սակայն, եթե դատարանը բավարարի հայցվոր կողմի` Արմեն Միքայելյանի պահանջները, նա պատրաստ է նորից աշխատել ավետարանական եկեղեցում որպես հովիվ. «Հարութի հետ (նկատի ունի  հայ ավետարանչական ընկերակցության ղեկավար.Հարություն Ներսիսյանին-հեղինակ) նորից կաշխատեմ: Բայց արդյոք Հարութ Ներսիսյանն ինձ հետ կաշխատի, թող ինքը մտածի»:

Հայ ավետարանչական ընկերակչության արտաքին կապերի պատասխանատու Լուսինե Օհանյանը, սակայն, հարցը համարում է աշխատանքային խնդիր.հաստիքների կրճատում է եղել, որի հետ համաձայն չէ Ա. Միքայելյանը:

Ինչ վերաբերում է այն հայտարարություններին, թե ավետարանական եկեղեցին կրոնական քողի ներքո բիզնես գործունեություն են ծավալում, Լուսինե Օհանյանը հերքեց դա:

Մանրամասները`  տեսանյութերում

ՍՈՆԱ ԴԱՎԹՅԱՆ