ԹԵ ՈՎՔԵՐ ԵՆ ԻՐԱԿԱՆԱՑՆՈՒՄ ԱՅԼԱՍԵՐՎԱԾՈՒԹՅԱՆ ԳՐՈՀԸ ՀԱՅԱՍՏԱՆԻ ՎՐԱ

ԹԵ ՈՎՔԵՐ ԵՆ ԻՐԱԿԱՆԱՑՆՈՒՄ ԱՅԼԱՍԵՐՎԱԾՈՒԹՅԱՆ ԳՐՈՀԸ ՀԱՅԱՍՏԱՆԻ ՎՐԱ

Այսօր «Ազդակ» լրագրողական ակումբում տեղի ունեցավ կլոր սեղան «Աղանդավորության եւ այլասերվածության գրոհը Հայաստանի վրա» թեմայով, որի մասնակիցներն էին` ՍԻՄ նախագահ, ԱԺ ՀՀԿ խմբակցության պատգամավոր Հայկ Բաբուխանյանը, Համահայկական ծնողական կոմիտեի նախագահ Արման Բոշյանը, Քայքայիչ պաշտամունքներից տուժածների օգնության և վերականգնողական կենտրոնի ղեկավար Ալեքսանդր Ամարյանը: Ինչպես իր խոսքում նշեց Հ. Բաբուխանյանը, այսօր Հայաստանի վրա գրոհում ու այլասերվածություն են տարածում հետեւյալ կառույցները.

«Առաջինը համասեռամոլների լոբինգով զբաղվող, վերջերս լավ անվանում է գտել Հովհաննես Գալաջյանը` Կոնչիտայի վկաների խումբն է:

Երկրորդը այլասեռվածություն տարածող կազմակերպություններն են, այսպես ասած, ֆեմինիստուհիները, որոնք նույնպես պաշտպանում են այդ համասեռամոլների իրավունքները, իբրեւ թե կանանց իրավուքները: Միեւնույն ժամանակ զբաղվում են տարբեր տեսակի գրականություն տարածելով:

Երրորդն աղանդներն են, որոնք նույնպես շատ ակտիվ են եւ գնալով ավելի լկտի դրսեւորումներ են ցուցաբերում, նույնիսկ օրենքի խախտումներ իրենց թույլ տալով, ինչի մասին առավել մանրամասն կնշի Ա. Ամարյանը:

Չորրորդը մասոնական շրջանակներին առնչվող ուժերն են:

Հինգերորդը արեւմտյան վարձու քարոզիչներն են, այսպես կոչված, վերլուծաբանները, որոնց սեւ ցուցակներում են հայտնվում ազգային պահպանողական գաղափարախոսության կրողները:

Հաջորդը դրանք արեւմտյան շահերի գործակալներն են` քաղաքական ուժերը, որոնք գործում են արեւմտյան ուժերի թելադրանքով:

Եվ, այս շարքում է նաեւ ԱՄՆ դեսպանը, որ քարոզում է վերջերս, թե ստատուս քվոն շատ վտանգավոր է, պարգեւատրում է այս վերոհիշյալ կառույցների ներկայացուցիչներին»:

Ապա հավելեց. «Ընդ որում, ասեմ, որ այս ուժերը վերջին շրջանում կազմակերպել են շատ նպատակային գրոհ այն կառույցների վրա, ովքեր կարելի է ասել առաջամարտիկներ են ազգային պահպանողական գաղափարախոսությունը այս կամ այն ոլորտում ներկայացնելու առումով: Օրինակ` «Իրավունք» թերթի դեմ այսօր 8-ը դատական հայց կա, որոնցից 3-ը համասեռամոլների լոբինգով զբաղվող կազմակերպությունների կողմից է, մի քանիսը աղանդավորների կողմից: Այսինքն` բոլորը այս դաշտի ներկայացուցիչներ են»:

Մյուս բանախոսների տեսակետին, ինչպես նաեւ վերոնշյալ գրոհներից պաշտպանվելու մասնակիցների առաջարկներին ծանոթացեք տեսանյութից.

Նյութը եւ տեսանյութը` ՀՐԱՆՏ ՍԱՐԱՖՅԱՆԻ