ՙՙՆԱՆԱՅԻ ԵՎ ՍԱՐՈ ԹՈՎՄԱՍՅԱՆԻ ՙԿԱՐՈՏ՚-Ը
Արխիվ 12-16
Ամառվա տապը չխանգարեց երգչուհի Նանային եւ երգիչ Սարո Թովմասյանին, որպեսզի հանրությանը մի նոր անակնկալ մատուցեն` ՙԿարոտ՚ զուգերգի տեսահոլովակի տեսքով: Լինելով նկարահանման վայրում` ՙԻրավունքը՚ զրուցեց այս գաղափարի մասնակիցների հետ:
Տեսահոլովակի եւ զուգերգի մասին երգչուհի ՆԱՆԱՆ նշեց. ՙ Երգի խոսքերի եւ երաժշտության հեղինակը Արամ Անտոնյանն է: Երգը լսելուն պես, շատ հավանեցի ու ցանկացա կատարել, բայց այս անգամ զուգերգի տարբերակով` Սարոյի հետ: Ինքս առաջարկեցի Սարոյին, որովհետեւ նա ինձ համար տաղանդաշատ երգիչ է, շատ հզոր ձայնային տվյալներով, որ Հայաստանում, կարելի է ասել, քիչ կա: Ինչ վերաբերում է տեսահոլովակին, կրկին ինքս ցանկացա, որպեսզի Անի Երանյանի հետ աշխատենք, ով ինձ համար շատ թանկ մարդ է: Անին շատ տաղանդավոր դերասանուհի եւ երգչուհի է, բայց ցանկացա նրան տեսնել լավագույն ռեժիսորի կերպարում: Համոզված եմ, որ թեպետ, որպես ռեժիսոր, սա նրա առաջին աշխատանքն է, բայց ժողովուրդը կհավանի տեսահոլովակը՚: Տեսահոլովակի ռեժիսոր, դերասանուհի ԱՆԻ ԵՐԱՆՅԱՆՆ էլ վստահեցրեց. ՙՆանան ասաց, որ ուզում է այնպիսի մի տեսահոլովակ, որն առասարակ կտարբերվի: Ես էլ իմ հնարավորությունների չափով փորձեցի գեղեցիկ տեսահոլովակ ստանալ: Այնպես որ, համոզված եմ` այն, ինչ որ մենք պատկերացրել ենք, ես կստանամ՚: Իսկ ՙԿարոտ՚ երգի երաժշտության եւ խոսքերի հեղինակ ԱՐՄԵՆ ԱՆՏՈՆՅԱՆԸ մեր այն մտահոգությանն ի պատասխան, թե չկա± մտավախություն, որ մեր ժողովուրդը տեսահոլովակից հետո զուգերգի հերոսներին ՙկամուսնացնի՚ կամ ՙկբաժանի՚` բամբասանքներ տարածելով, շեշտեց. ՙՉեմ կարծում, որ այս դեպքում նման հարց կծագի, քանի որ, ինչպես բոլորս գիտենք, Սարո Թովմասյանն արդեն ամուսնացած է եւ ունի բալիկ, իսկ Նանան եւ Սարոն, շատերը գիտեն, որ ուղղակի մտերիմ ընկերներ են` արդեն մոտ 10 տարուց ավելի՚:
ՀՐԱՆՏ ՍԱՐԱՖՅԱՆ
1
5388 դիտում
2
2532 դիտում
3
2231 դիտում
4
1975 դիտում
5
1958 դիտում
