ՙԳԱՅԹԱԿՂՈՒԹՅԱՆ ՈՒ ՀԱՇՎԵՀԱՐԴԱՐԻ ԴԵՊՔԵՐԻ ՎԱՅՐ

ԳԱՅԹԱԿՂՈՒԹՅԱՆ ՈՒ ՀԱՇՎԵՀԱՐԴԱՐԻ ԴԵՊՔԵՐԻ ՎԱՅՐ

Թուրքիայի Անթալիա քաղաքում մի կին մտել է ամուսնուն պատկանող շինանյութերի խանութ, տեսել էր այնտեղ մերկ քայլող աշխատակցուհուն եւ դանակահարել նրան: 22-ամյա ՙստրիպտիզուհու՚ բղավոցներից խանութ մտած անցորդները տեսել էին արնաքամ կնոջը  եւ շտապօգնություն կանչել:


ՖՈՒՏԲՈԼ ԷՐ...

Բրազիլիայում անցկացված Աշխարհի առաջնության ժամանակ կալանավորվել էին 21 անձ, ինչը բնական էր համարել Հայաստանում Բրազիլիայի դեսպանը:
ՙԻհարկե, այն մարդիկ, որոնք ձերբակալվել են, հետագայում ազատ են արձակվել: Կալանավորվել են միայն նրանք, որոնք ավերել են...՚, - պարզաբանել էր դեսպանը: Նրանք այրել էին ավտոմեքենաներ, բանկոմատներ:
Կարծում ենք, որ բրազիլացիները, այնուամենայնիվ, էժան են պրծել` նկատի ունենալով հանգամանքը, որ նրանք դեմ էին, որ Աշխարհի առաջնությունն անցկացվի իրենց աղքատ երկրում, եւ, իհարկե` ՙգերմանա-հոլանդական արշավները՚:


ԻՆՔՆԱՍՊԱՆՈՒԹՅՈՒՆ

Վրաստանի ՙՌուսթավի-2՚ հեռուստաընկերության նախկին գլխավոր տնօրեն, Ռուսաստանի Դաշնությունում Վրաստանի նախկին դեսպան Էրոսի Կիցմարիշվիլին մահացած է հայտնաբերվել Թբիլիսիի իր բնակարանում: Իրավապահների կողմից դեպքի առնչությամբ հայտարարություն դեռ չի եղել: Մահացածի մարմնի մոտ հայտնաբերված ատրճանակը առաջ է բերում Կիցմիրաշվիլիի ինքնասպան լինելու հիմնական վարկածը:


ՙՎԻՐԱՎՈՐՎԱԾ՚ ՎԱՐՈՐԴԸ

Մոսկվայի իրավապահները տարածել են մի տեսահոլովակ, որում երեւում է, թե ինչպես է BMW մակնիշի ավտոմեքենայի վարորդը վրաերթ է կատարում մեկ այլ վարորդի, որը համարձակվել էր դիտողություն անել նրան: Տուժածը մոտեցել էր BMW-ի վարորդին, նախատել, որից հետո ենթարկվել էր վրաերթի, իսկ հանցագործը դրանից հետո դուրս էր եկել մեքենայից, նայել էր` չի վնասվել արդյոք իր մեքենան եւ հեռացել էր դեպքի վայրից:

Ա. ԱԲԳԱՐՅԱՆ