ՄԻՔԱՅԵԼ ՄԵԼՔՈՒՄՅԱՆ. ՙԻՆՉ ՈՐ ԱՍՈՒՄ Է ՕԵԿ-Ը, ՀԱՄԱՀՈՒՆՉ Է ԱՅՍՕՐՎԱ ՄԵՐ ԾՐԱԳՐԱՅԻՆ ԴՐՈՒՅԹՆԵՐԻՆ

ՄԻՔԱՅԵԼ ՄԵԼՔՈՒՄՅԱՆ. ՙԻՆՉ ՈՐ ԱՍՈՒՄ Է ՕԵԿ-Ը,
ՀԱՄԱՀՈՒՆՉ Է ԱՅՍՕՐՎԱ ՄԵՐ ԾՐԱԳՐԱՅԻՆ ԴՐՈՒՅԹՆԵՐԻՆ՚

Տեւական հանգստից հետո Ազատության հրապարակում հերթական հանրահավաքը կլինի: Բայց այս անգամ ամառվա տապն անտեսելով` ոչ թե հրապարակում կհայտնվեն ՙԺառանգության՚ ներկայացուցիչները, այլ` ՕԵԿ-ականները: Ընդդեմ էլեկտրաէներգիայի թանկացման` հուլիսի 18-ին նախատեսված հանրահավաքին, կարծես թե, մտադիր են մասնակցել նաեւ ոչ իշխանական քառյակի ներկայացուցիչները: Թե ինչ փոխվեց այսօր, երբ ընդամենը մի քանի ամիս առաջ նույն քառյակը ՕԵԿ-ին որպես իշխանություն էր դիտարկում ու չէր վստահում, ՙԻրավունքը՚ հետաքրքրվեց ԱԺ ԲՀԿ խմբակցության պատգամավոր ՄԻՔԱՅԵԼ ՄԵԼՔՈՒՄՅԱՆԻՑ.
-Նախ ես տեղեկացված չեմ այդ մասին, բայց որպես հանրահավաքի մասնակիցներ, առանձին անդամներ, տարբեր կուսակցությունների ներկայացուցիչներ, որոնք ժողովրդի մասին են մտածում, միշտ էլ կարող են մասնակցել: Բայց եթե կա կուսակցություն, կա քաղաքական ուժ, որը արդիական խնդիրներ է առաջ քաշում եւ մատնանշում, ինչը քառյակի օրակարգի մեջ տեղավորվում է, բնականաբար, մեր վերաբերմունքը դրական է եւ ոչ մի նեգատիվ ու բացասական տրամադրվածություն չկա: Հիմա ինչ որ ասում է ՕԵԿ-ը, համահունչ է այսօրվա մեր ծրագրային դրույթներին, այդ թվում` քառյակի: Այս առումով որեւէ խնդիր չեմ տեսնում, բայց պաշտոնական մասնակցություն հանրահավաքին, որ քաղաքական ձեւաչափով գնան ու մասնակցեն ղեկավարները, ես նման տեղեկատվություն չունեմ: Իսկ որպես շարքային քաղաքացի, կրկնում եմ` բոլորն էլ կարող են մասնակցել` դուք էլ, ես էլ:
- Այնուամենայնիվ, այսօր ՕԵԿ-ին որպես քառյակի պոտենցիալ անդամ` տեսնո±ւմ եք:
- Գիտեք, քաղաքականության մեջ պոտենցիալ, ավելի նվազ... Ես չեմ դիտարկում, կյանքը թելադրում է իր պահանջները, սպասենք` տեսնենք:
- Իսկ Դուք որպես քաղաքացի` կմասնակցե±ք ՕԵԿ-ի հանրահավաքին:
- Ես վաղը մեկնում եմ Հայաստանից, այնպես որ, հանրապետությունում չեմ լինելու:
- Իսկ եթե լինեիք:
- Հատուկ չեմ մտածել, կարող է մասնակցեի, կարող է չմասնակցեի, բայց եթե դա էլեկտրաէներգիայի թեման է, իհարկե, դա բխում է իմ տեսակետներից, այսինքն` ես անպայման կլսեի, թե ինչ է ասվում:
- Քառյակի կողմից հանրահավաքին մասնակցելը դեմ չէ± այն հայտարարությանը, որ 4 ոչ իշխանական ուժերը պատրաստվում էին աշնանը հանրահավաքներ անել:
- Եկեք տեխնոլոգիական բարդ ինչ-որ մեխանիզմներ չփնտրենք: Կյանքը թելադրում է իր կանոնները, քաղաքական ուժերն իրենց ծրագրերն ունեն` ռազմավարական եւ տակտիկական: Եվ ամեն մեկն իր գործն է իրականացնում, բայց, իհարկե, ես դեմ եմ, որ ընդդիմությունն աշխատի մինչեւ ժամը վեցը եւ ասի` աշխատանքը վերջացավ, գնում եմ հանգիստս վայելելու: Այդպես չէ, պետք է շուրջօրյա աշխատանք:

ՀՐԱՆՏ ՍԱՐԱՖՅԱՆ