ԱԴՐԻԱՆՈ ՉԵԼԵՆՏԱՆՈՅԻ ԵՎ ՍԻՐԵԼԻԻ ԱՆԱԿՆԿԱԼԸ ԵՐԿՐՊԱԳՈՒՆԵՐԻՆ

ԱԴՐԻԱՆՈ ՉԵԼԵՆՏԱՆՈՅԻ ԵՎ ՍԻՐԵԼԻԻ ԱՆԱԿՆԿԱԼԸ  ԵՐԿՐՊԱԳՈՒՆԵՐԻՆ

Իտալացի կինոդերասան, երգիչ,  երգահան Ադրիանո Չելենտանոն նշել է իր եւ սիրելիի`Կլաուդիա Մորիի  ոսկե հարսանիքը:  Զույգերի համար օրը նշանավորվել է կարեւոր իրադարձությամբ`հրատարակվել է  «Կլաուդիա Մորի. Ադրիանո Չելենտանո.Երկու սիրահարված կործանիչներ» կենսագրական գիրքը:

Գրքի հեղինակը Չելենտանոյի սիրելի կինն է, ով երգում է, զբաղվում պրոդյուսերական գործունեությամբ եւ դերասանական արվեստով: Նա իրենց համատեղ կյանքի 50 տարիները ներկայացրել է օրագրի տեսքով, չի վախեցել բացել նաեւ անձնական   կյանքի որոշ  մանրամասներ: 50 տարի է ինչ զույգն օրինական ամուսնության մեջ է. «Ասա ինձ Ադրիանո, երբ 52 տարի առաջ Ամալֆիայում մենք  հանդիպեցինք ,կարող էինք պատկերացնել, որ կապրենք միասին այսքան տարի, որը   տասնյակ ֆիլմերի ու  երաժշտության ծնունդ տվեց»,-գրում է Կլաուդիա Մորին: Գրքում երկրպագուների համար կա անակնկալ, այնտեղ տեղ են գտնել զույգի համատեղ կյանքի արխիվային  բամաթիվ լուսանկարներ. որոնք հրապարակվում են առաջին անգամ:

1967 թվականին նրանք միասին հանդես եկան «ամենգեղեցիկ զույգն աշխարհում» դուետով, այնուհետեւ հայտնվեցին նկարահանման հրապարակում. «Այդ ժամանակ ես չէի ցանկանում Ադրիանոյի  հետ միասին նկարահանվել միեւնույն ֆիլմում, սակայն քույս պնդեց, որ նկարահանվեմ: Քույս նրա մեծ երկրպագուն էր, իսկ ես`ոչ»,-վերհիշում է Մորին: 1962 թվականին  Չելենտանոն վայելում էր մեծ հեղինակություն եւ ոչինչ չէր անում Մորիին գրավելու համար, սակայն վերջինս նրան  «հաղթեց» իր գեղեցկությամբ եւ  ուժեղ բնավորությամբ:

Հանդիպումից երկու տարի անց նրանք գաղտնի ամուսնացան  սրբ.Ֆրանցիսկ եկեղեցում: Նրանց ամուսնությունից ծնվեցին երեք երեխաները:

Մորին իր գրքում ներկայացնում է ոչ միայն իր եւ ամուսնու համատեղ կյանքի հաջողությունները, այլեւ կյանքի դժվարին պահերը, օրինակ խանդի պատճառով առաջացած գժտությունները. «Մի օր Ադրիանոն պատռեց իմ բոլոր կարճ շրջազգեստները, որոնք ես միշտ կրում էի ,  այդ դեպքը տեղի ունեցավ  Ֆորտե դե Մարմիի ճանապարհին: Դեպքից հետո գնացի խանութ եւ գնեցի բոլոր թանկարժեք կարճ կիսաշրջազգեստները,  ցանկանում էի դրանով պատժել նրան»,-պատմում է Կ.Մորին:

Վերջին տարիներին ժամանակ առ ժամանակ Չելենտանոն թողարկում է ձայնասկավառակներ եւ  հանդես գալիս տարբեր հանրահայտ կատարողների հետ:

ԶՎԱՐԹ ԽԱՉԱՏՐՅԱՆ