ՀԱՅ-ՌՈՒՍԱԿԱՆ ՆՈՐ ՀԱՄԱՁԱՅՆԱԳԻՐԸ ԿԳՈՐԾԻ ՄԵԿ ԱՄՍԻՑ
Արխիվ 12-16
Ինչպես հայտնի է, օրերս վարչապետ Հովիկ Աբրահամյանի գլխավորած կառավարական պատվիրակության` ՌԴ կատարած այցի շրջանակում Սոչիում Հայաստանի եւ Ռուսաստանի վարչապետների մասնակցությամբ ստորագրվեց ՌԴ տարածքում ՀՀ քաղաքացիների եւ ՀՀ տարածքում ՌԴ քաղաքացիների գտնվելու կարգի մասին համաձայնագիր: Թե ինչ է նախատեսվում դրանով, երբ այն ուժի մեջ կմտնի, փորձեցինք պարզել ՀՀ տարածքային կառավարման նախարարության միգրացիոն պետական ծառայության պետ ԳԱԳԻԿ ԵԳԱՆՅԱՆԻՑ.
-Ստորագրված համաձայնագիրը նպաստավոր պայմաններ կստեղծի առաջին հերթին Հայաստանից ՌԴ մեկնող քաղաքացիների, այդ թվումª աշխատանքային միգրանտների համար: Համաձայնագրով նախատեսվում է, որ մի կողմի պետության տարածքում ժամանակավորապես գտնվող մյուս կողմի պետության քաղաքացիներն ազատվում են մուտքի պետության իրավասու մարմիններում 30 օրվա ընթացքում գրանցվելու պարտականությունից: Այն կսկսի գործել մեկ ամսից:
Ինչ վերաբերում է հաջորդ համաձայնագրին, ըստ որի` հայ միգրանտներն աշխատելու են առանց աշխատանքային թույլտվության, ապա դրա տեքստն արդեն համաձայնեցված է, սակայն գործընթացը դեռեւս շարունակվում է:
Անդրադառնալով հասարակության շրջանում մեծ աղմուկ բարձրացրած դեպորտների հարցին` պարոն Եգանյանը նշեց.
- Մարդկանց մոտ թյուր կարծիք է առաջացել, թե նրանց դեպորտ են արել, ոչ, դա ոչ թե դեպորտ էր, այլ` ՌԴ-ում օրենսդրության խախտման հետեւանք: ՌԴ-ի օրենքներով` տվյալ մարդիկ օրինախախտ են, բայց հիմա ՌԴ-ի իշխանությունները կամեցողություն են ցուցաբերել եւ հնարավորություն են տվել, որ տվյալ անձինք վերանայման համար դիմեն դեսպանատուն: Վերանայումից հետո միայն պարզ կլինի հետագա անելիքներն այդ ուղղությամբ:
ԻԼՈՆԱ ԱԶԱՐՅԱՆ
1
5388 դիտում
2
2532 դիտում
3
2231 դիտում
4
1975 դիտում
5
1958 դիտում
