ԴԻՊԼՈՄԻ ՀԱՄԱՐ ՎՃԱՐՎՈՂ ԳՈՒՄԱՐԸ ՊԻՏԻ ԽԵԼԱՄԻՏ ԼԻՆԻ.ԱՐՄԵՆ ԱՇՈՏՅԱՆ

ԴԻՊԼՈՄԻ ՀԱՄԱՐ ՎՃԱՐՎՈՂ ԳՈՒՄԱՐԸ ՊԻՏԻ ԽԵԼԱՄԻՏ ԼԻՆԻ.ԱՐՄԵՆ ԱՇՈՏՅԱՆ

Միացյալ երիտասարդական լիգան  օրեր առաջ հրապարակել էր տեղեկատվություն այն մասին, որ  Երեւանի «Գլաձոր» համալսարանում ուսանողները դիմպլոմ ստանալու համար պետք  է վճարեն 20.000 դրամ այն դեպքում, երբ այլ բուհերում այդ գումարը չի գերազանցում 5000 դրամը:

Հիշեցնենք, որ համալսարանի ռեկտորը ՀԱԿ խմբակցության պատգամավոր Գագիկ Ջհանգիրյանի եղբայրն է` Ժորա Ջհանգիրյանը: «Իրավունքը» փորձեց պարզաբանում ստանալ համալսարանի ռեկտորից:  Վերջինս փոխանակ շահագրգռված լինի պարզաբանում ներկայացնել` տարաբնույթ մեկնաբանություններին վերջ տալու համար,  միայն ասաց, որ այդ 20.000 դրամը պետական մուծում է, իսկ  խնդրին առնչվող այլ հարցերի  նա մեզ նշեց, որ հեռախոսով չի պատասխանում, քանի որ լրատվամիջոցները խեղաթյուրում են իր խոսքերը:  Այլ լրատվամիջոցների տեղը չենք երաշխավորում, բայց մենք հաստատ պրն Ջհանգիրյան, ձեզ հետ շատ առնչություն չենք ունեցել, էլ ուր մնաց ձեր խոսքերն աղավաղենք:

Խնդրի առնչությամբ իր ֆեյսբուքյան էջում մեկնաբանությամբ է հանդես եկել  ԿԳ նախարար Արմեն Աշոտյանը: «Բոլոր բուհերն իրենք են վճարում տպարանին դիպլոմների համար: Իրենք էլ որոշում են, թե ինչ գումար գանձեն ուսանողներից: Պետական բուհերից մենք նման հարցադրումներ գրեթե չենք ունենում: Իսկ մասնավորներում էլ այդ գնացուցակը խիստ տարբեր է: Բոլոր դեպքերում, դա բուհերի իրավասությունների տակ է: Թեպետ, դիպլոմի համար վճարվող գումարը, իհարկե, պիտի խելամիտ լինի»,- ասել է Աշոտյանը:

Ի դեպ, ՄԵԼ-ի  նույն հայտարարության մեջ  որոշակի հաշվարկներ են արված.«Տեսնելով նախկինում Գլաձոր համալսարանը ավարտած ուսանողների դիպլոմները, հասկանալի է դառնում, որ այդ կազմի վրա արտառոց երևույթներ, օրինակ ոսկի չկա, ապա հարց է առաջանում, այդքան մեծ գումարները ուր են գնում:
Եթե համարենք, որ այդ համալսարանը ավարտում է 50 ուսանող, որը ընդամենը իրական ավարտողների մոտ 40%-ն է կազմում, ապա կատարելով պարզ մաթեմաթիկական հաշվարկ, պարզ է դառնում, որ 1.000.000 դրամի մասին է խոսքը գնում»:

ՍՈՆԱ ԴԱՎԹՅԱՆ