ՊԱՐԳԵՎԱՏՐՎԵՑԻՆ ՀԱՅՐ ԵՎ ՈՐԴԻ ՔՈԹԱՆՋՅԱՆՆԵՐԸ (Տեսանյութ)

ՊԱՐԳԵՎԱՏՐՎԵՑԻՆ ՀԱՅՐ ԵՎ ՈՐԴԻ ՔՈԹԱՆՋՅԱՆՆԵՐԸ (Տեսանյութ)

«Իրավունքն» արդեն անդրադարձել է, որ երեկ Առնո Բաբաջանյան համերգասրահում կայացավ ՀՀ ժողովրդական արտիստ, Բնության եւ հասարակական գիտությունների միջազգային ակադեմիայի իսկական անդամ, դերասան ՌԱՖԱՅԵԼ ՔՈԹԱՆՋՅԱՆԻ հոբելյանական երեկոն: http://iravunk.com/index.php?option=com_content&view=article&id=18123:2014-07-12-11-12-29&catid=123:top-

Երեկոյի ավարտին Եվրոպայի արվեստի եւ գիտության միջազգային ակադեմիայի կողմից, ՀՀ ժողովրդական արտիստ Ռ. Քոթանջյանը պարգեւատրվեց «Լավագույն դերասան» շքանշանով: Ըստ ակադեմիայի նախագահ, պրոֆեսոր Ռաֆայել Մելիք-Օհանջանյանի այդ շքանշանին արժանանում են եվրոպական երկրների առաջավոր հայտնի դերասանները:

Այդ օրը միաժամանակ պարգեւատրվեց նաեւ Քոթանջյան որդին` Մայքլը, արժանանալով Լեոնարդո Դավինչիի անվան շքանշանին, որն ըստ Ռաֆայել Մելիք-Օհանջանյանի. «Հայաստանում առաջին անգամ է հանձնվում, որն էլ շնորհվում է հենց Մայքլին»:

Շքանշանը ստանալով Մայքլն ասաց. «Լեոնարդո Դավինչիի անվանումը մեծ դեր է խաղացել իմ ամբողջ կյանքում: Նա հանճարեղ մարդ է, նրա անվանումով մրցանակ ստանալն ինձ շատ պարտավորեցնող է եւ հաճելի»:

Առավել մանրամասն դիտե՛ք ստորեւ ներկայացրած տեսանյութում.

ԼԻԼԻԹ ԵՂԻԱԶԱՐՅԱՆ

Հ.Գ. Երեկոյի մասին առավել մանրամասն կարդացե՛ք տպագիր «Իրավունքի» առաջիկա համարում: