ԿԱՐԾՈՒՄ ԵՄ`ՄՏԱՀՈԳՎԵԼՈՒ ԱՌԻԹ ԿՈՒՆԵՆԱ ՈՉ ՄԻԱՅՆ ՏԻԳՐԱՆ ՍԱՐԳՍՅԱՆԸ

ԿԱՐԾՈՒՄ ԵՄ`ՄՏԱՀՈԳՎԵԼՈՒ ԱՌԻԹ ԿՈՒՆԵՆԱ ՈՉ ՄԻԱՅՆ ՏԻԳՐԱՆ ՍԱՐԳՍՅԱՆԸ

Մամուլում հրապարակված տեղեկությունների  համաձայն`ռուսական «Ռոսնեֆտ» կազմակերպությունը  կարծես թե չի շտապում ներդրումներ անել «Նաիրիտ» գործարանի վերագործարկման համար: Տնտեսագետ Վարդան Բոստանջյանը «Իրավունքի» հետ զրույցում ասաց, որ չի բացառվում, որ ռուսական ընկերությունը հույս ունի գուցե «Նաիրիտը» սեփականաշնորհել առանց որևէ դժվարության ու մեծ ֆինանսական միջոցներ չծախսելով:

Վ.Բոստանջյանի  կարծիքով, եթե ռուսական ընկերությունն իրոք  ներդրումներ չանի , ապա  հազիվ թե մեզ հաջողվի Հայաստանում գտնել այնպիսի ներդրող կազմակերպություն, որը կցանկանա գումարներ ներդնել  գործարանի վերագործարկման համար: Խնդրի լուծման համար, ըստ տնտեսագետի, պետք է պետական միջամտություն`մասնավորապես ներդրումային հիմնադրամներ ստեղծելու ճանապարհով կարելի է հասնել հաջողության:

Վերջերս ՀՀ վարչապետ Հովիկ Աբրահամյանը հայտարարել էր, որ մինչ օգոստոսի վերջ մանրամասն կուսումնասիրվի «Նաիրիտ»-ի շուրջ ստեղծված իրավիճակը: Արդյոք Տիգրան Սարգսյանն  ու նրա եղբայրները  մտահոգվելու առիթ չունեն, քանի որ գործարանի շուրջ ստեղծված այս ողջ աղմուկը, ինչպես գրում է մամուլը, կապված է առաջին հերթին նրանց հետ: «Կարծում եմ` ոչ միայն Տիգրան Սարգսյանը, այլև շատ մարդիկ, որոնք «Նաիրիտի» հետ ուղղակի կամ անուղղակի առնչություն ունեն»,- ասաց Բոստանջյանը:

ՍՈՆԱ ԴԱՎԹՅԱՆ