ԱԳՐԱՐԱՐԱՅԻՆ ՀԱՄԱԼՍԱՐԱՆԻ ՎԻՃԵԼԻ ՏԱՐԱԾՔԻ ԽՆԴԻՐԸ ԿԼՈՒԾԵՆ ԻՐԱՎԱՊԱՀ ՄԱՐՄԻՆՆԵՐԸ

ԱԳՐԱՐԱՐԱՅԻՆ ՀԱՄԱԼՍԱՐԱՆԻ ՎԻՃԵԼԻ ՏԱՐԱԾՔԻ ԽՆԴԻՐԸ ԿԼՈՒԾԵՆ ԻՐԱՎԱՊԱՀ ՄԱՐՄԻՆՆԵՐԸ

Ինչպես արդեն տեղեկացրել է «Իրավունքը»,  Հայաստանի Ագրարային համալսարանի հարակից տարածքում «Օրինաց երկիր» կուսակցությունն իրականացնում է շինարարություն, որը հարուցել է  թե՛ բուհի դասախոսների, թե՛ ուսանողների, թե՛  ղեկավարության դժգոհությունը: «Իրավունքի» հետ զրույցում  համալսարանի պրոռեկտոր ՊԱՐՈՒՅՐ ԷՖԵՆԴՅԱՆԸ տեղեկացրեց,  որ խնդրի լուծման նպատակով իրենք դիմել են դատարան` պաշտպանելու իրենց իրավունքները: «Քանի որ գործը դատարանում է, չեմ ցանկանում  հիմա այլ մեկաբանություն տալ»,- ասաց պրոռեկտորը:

Վերջինս, ի պատասխան այն հարցին`արդյոք վստահ են, որ կարող են դատական ճանապարհով պաշտպանել իրենց իրավունքները, Պ.Էֆենդյանը դրական պատասխանեց`ասելով. «Եթե վստահ չլինեիք, դատարան չէինք դիմի»:

Նույն վստահությամբ հարցը իրավապահներին է հանձնել նաև ՕԵԿ-ը:  Կուսակցության անդամ ՄՀԵՐ ՇԱՀԳԵԼԴՅԱՆԸ «Իրավունքի» հետ զրույցում ասաց, որ իրենք ունեն բոլոր փաստաթղթերը, որոնք հաստատում են, որ տարածքն իրենց է պատկանում: Շահգելդյանի տեղեկացմամբ իրենք  դիմել են դատախազություն` իրենց իրավունքների պաշտպանության համար:

ՍՈՆԱ ԴԱՎԹՅԱՆ